დუშეთის მუნიციპალიტეტის, სოფელ მლაშეში, საქართველოს ერთიანობისთვის ბრძოლებში დაღუპული მებრძოლების ხსოვნისადმი მიძღვნილი დოღი გაიმართა

118
spot_img

მიმდინარე წლის, 18 ნოემბერს, დუშეთის, საცხენოსნო კლუბის ” 300 არაგველის” და 2008 წლის აგვისტოს ომის ვეტერანის, ტარიელ ჩიხაშვილის პირადი ჩართულობით, ასევე, ვეტერანების საქმეთა სახელმწიფო სამსახურის მხარდაჭერით, სოფელ მლაშეში, საქართველოს ტერიტორიული მთლიანობისთვის წარმოებულ ბრძოლებში დაღუპული მებრძოლების ხსოვნისადმი მიძღვნილი დოღი ( 8 კმ. 5 წრე) გაიმართა.

დოღში მონაწილეობას, საქართველოს მასშტაბით, 14 მუნიციპალიტეტიდან იღებდნენ მხედრები. პირველი ადგილი, მხედარმა – დავით ფერაძემ დაიკავა, ხარაგაულიდან. მეორე ადგილი ერგო გიორგი ცინცაძეს ჩოხატაურიდან, ხოლო მესამე ადგილი – მირზა აფციაურს გუდამაყრიდან.

გაიმართა ასევე, შერეული ჯიშის ცხენების დოღი, სადაც საპრიზო ადგილები შემდეგნაირად გადანაწილდა: I ადგილი – სოსო რამიშვილი ჩოხატაურიდან, II მეორე ადგილი – ჯაბა ბერიძე ხარაგაულიდან, III ადგილი – იორამ იჭირაული, თუშეთიდან.

საპრიზო ადგილზე გასულ მხედრებს, ვეტერანების საქმეთა სახელმწიფო სამსახურის მიერ დაწესებული სპეციალური თასები, მედლები და ბრენდირებული ღვინოები გადაეცათ.

აღნიშნული დოღი წელს მეორედ გაიმართა და ყოველწლიურ ხასიათს მიიღებს.