დონალდ ტრამპს 2020 წლის არჩევნების შედეგების შეცვლის მცდელობის საქმეზე ბრალი ოფიციალურად წაუყენეს

spot_img

ჯორჯიის შტატის ნაფიც მსაჯულთა დიდმა კოლეგიამ აშშ-ის ყოფილ პრეზიდენტს, დონალდ ტრამპს 2020 წლის არჩევნების შედეგების შეცვლის მცდელობაზე ბრალი წაუყენა. 98-გვერდიან საბრალდებო დასკვნაში აღნიშნულია, რომ ტრამპის გარდა ბრალი კიდევ 19 პირს წაუყენეს.

საბრალდებო დასკვნაში, რომელიც 41 პუნქტისგან შედგება, დეტალურადაა მოცემული, რაში ედება ბრალი აშშ-ის ყოფილ პრეზიდენტს. მათ შორისაა: ჯორჯიის შტატის რეკეტული აქტის დარღვევა; საჯარო მოხელის მიერ ფიცის დარღვევის მოთხოვნა; საჯარო მოხელედ თავის წარმოჩენა; დოკუმენტების გაყალბება; ყალბი განცხადებები, ნაწერები და ყალბი დოკუმენტების წარდგენა და სხვა.

საბრალდებო დასკვნა ბრალდებულებს „კრიმინალურ ორგანიზაციად“ მოიხსენიებს და მათ ბრალს სდებს სხვა დანაშაულებშიც, მათ შორის მოწმეებზე ზემოქმედების, კომპიუტერის ხელყოფის, ქურდობისა და ცრუ ჩვენების მიცემაში.

შეგახსენებთ, რომ ტრამპისთვის ეს უკვე მეოთხე საბრალდებო აქტია.