“დიპლომატიური ძალისხმევის დრო იწურება ისრაელსა და „ჰეზბოლას“ შორის დაძაბულობის დასასრულებლად” – იოავ გალანტი

ისრაელის თავდაცვის მინისტრმა, იოავ გალანტმა განაცხადა, რომ დრო იწურება დიპლომატიური ძალისხმევით ისრაელსა და „ჰეზბოლას“ შორის დაძაბულობის დასასრულებლად.

ისრაელის თავდაცვის უწყების ხელმძღვანელმა აღნიშნა, რომ ისრაელს მალე სხვა არჩევანი არ დარჩება, გარდა იმისა, რომ დაიწყოს დიდი სამხედრო შეტევა ლიბანში მდებარე ტერორისტული ჯგუფის წინააღმდეგ.

“ჩვენ გვირჩევნია შეთანხმებული დიპლომატიური მოგვარების გზა, მაგრამ ვუახლოვდებით იმ წერტილს, როდესაც ქვიშის საათი გადაბრუნდება”, – აღნიშნა ისრაელის თავდაცვის მინისტრმა.