დღეს ეროვნული საფეხბურთო ნაკრები ევრო 2024-ის საკვალიფიკაციო ეტაპის ფინალურ მატჩს გამართავს და საბერძნეთს დაუპირისპირდება

75
spot_img

საქართველო, მნიშვნელოვანი და გადამწყვეტი მატჩის მოლოდინშია. დღეს ეროვნული საფეხბურთო ნაკრები, ევრო 2024-ის საკვალიფიკაციო ეტაპის ფინალურ მატჩს თბილისში, საბერძნეთის ნაკრების წინააღმდეგ გამართავს.

თბილისის მერიამ რესპუბლიკის მოედანზე კვლავ მოაწყო სამი ეკრანი, რომელზეც ქომაგებს საშუალება ექნებათ პირდაპირ ეთერში იხილონ თამაში. საღამოს 7 საათიდან, მოწყობილ სცენაზე გაჟღერდება ელექტრონული მუსიკა, ადგილზე მოქალაქეებისთვის სხვადასხვა გასართობი სივრცეები და კვების ობიექტები იქნება მოწყობილი. თამაშის ტრანსლირება ცენტრალურ და ორ დამატებით ეკრანზე 9 საათიდან დაიწყება.

21 მარტს, საბერძნეთის ნაკრებმა პლეიოფის ნახევარფინალში ყაზახეთის ნაკრები საკუთარ კედლებში 5:0 დაამარცხა, საქართველომ კი ლუქსემბურგს 2:0 მოუგო. ფინალური შეხვედრა დღეს, „დინამო არენაზე“ 21:00 საათზე დაიწყება, გამარჯვებული კი ევრო 2024-ის საგზურს მოიპოვებს