დიდი ბრიტანეთის ახალი საგარეო საქმეთა მინისტრ დევიდ ქემერონი პირველი სამუშაო ვიზიტით უკრაინაში ჩავიდა.
ქემერონი კიევში უკრაინის პრეზიდენტს, ვოლოდიმირ ზელენსკის შეხვდა.
დიდი ბრიტანეთის საგარეო საქმეთა მინისტრის თქმით, პირობას დებს, რომ გააგრძელებს უკრაინის „მორალურ, დიპლომატიურ, ეკონომიკურ, მაგრამ, უპირველეს ყოვლისა, სამხედრო მხარდაჭერას“.
„მქონდა გარკვეული უთანხმოება ბორის ჯონსონთან, ჩვენ ერთმანეთს, 40 წელია, ვიცნობთ, მაგრამ მისი მხარდაჭერა იყო საუკეთესო რამ, რაც მან და მისმა მთავრობამ გააკეთეს“, – აღნიშნა ქემერონმა.
ზელენსკიმ მიულოცა ქემერონს თანამდებობაზე დანიშვნა და მადლობა გადაუხადა უკრაინაში ვიზიტისა და მხარდაჭერისთვის.
„ეს ძალიან მნიშვნელოვანია, განსაკუთრებით ახლა, როდესაც მსოფლიო ყურადღებას აქცევს არამხოლოდ უკრაინის ბრძოლის ველზე არსებულ ვითარებას. ჩვენ მადლობელი ვართ გაერთიანებული სამეფოსგან უკრაინის ურყევი მხარდაჭერისთვის. ჩვენ მადლობელი ვართ დიდ ბრიტანეთში უკრაინელი მოქალაქეების თბილი დახვედრისთვის. მოხარული ვართ, რომ თქვენ უკრაინაში ჩამოხვედით“, – განაცხადა ვოლოდიმირ ზელენსკიმ.
