ჩვენც ამას ვამბობდით ამდენი ხანია, რომ [სააკაშვილი] ძალიან ახლობელია პუტინის, – ასე გამოეხმაურა მოძრაობა „ხალხის ძალის“ წევრი გურამ მაჭარაშვილი მიხეილ სააკაშვილის „ფეისბუქ“ პოსტს, სადაც ის წერს, რომ ვლადიმირ პუტინს ძალიან კარგად იცნობს.
„ეს აღიარება დაგვეხმარება იმაში, რომ ვეღარ შეგვეწინააღმდეგება ეს პრიგოჟინის იმედად დარჩენილი ოპოზიცია“, – აღნიშნა მაჭარაშვილმა.
მაჭარაშვილი ასევე გამოეხმაურა მიხეილ სააკაშვილის კიდევ ერთ განცხადებას, რომელშიც ის ჩრდილოეთ კავკასიის ერებს მიმართავს.
„ჩვენ გვახსოვს ასეთი გამოთქმა: „მიველ, ვნახე, გავიმარჯვე“. სააკაშვილის ფრაზა კი არის – „მიველ, ვნახე, დავანგრიე“. საქართველოში ხომ დაანგრია ყველაფერი, წავიდა უკრაინაში იქაც არია ყველაფერი, ჩამოვიდა აქ და „ვივამედში“ ატეხა ერთი ამბავი, ექიმები და ექთნები ერთ ამბავში არიან და ახლა ჩრდილო კავკასიას მიადგა. რას ერჩის ამ ჩრდილო კავკასიელ ხალხს, რა უნდა, რატომ უნდა გადაგვამტეროს, არ ვიცი“, – აღნიშნა მაჭარაშვილმა.
