“ჩვენმა უწყებებმა არაერთხელ აღკვეთეს სანქციების გვერდის ავლის მცდელობა” – კობახიძე

60
spot_img

იყო არაერთი შემთხვევა, როდესაც ჩვენმა უწყებებმა აღკვეთეს სანქციების გვერდის ავლის მცდელობა. ამ კუთხით ძალისხმევა უნდა გაგრძელდეს და დევიდ ო’სალივანის ვიზიტიც ამას ემსახურება, – ამის შესახებ ჟურნალისტებს „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ განუცხადა.

„იყო არაერთი შემთხვევა, როდესაც ჩვენმა უწყებებმა აღკვეთეს სანქციების გვერდის ავლის მცდელობა. ამ კუთხით ძალისხმევა უნდა გაგრძელდეს და ეს ვიზიტიც ამას ემსახურება. უნდა იყოს განხილული ყველა გზა, რომელიც დაკავშირებულია სანქციების გვერდის არ ავლასთან. შედგება შეხვედრები ხელისუფლების წარმომადგენლებთან და იქნება მსჯელობა, აქამდე რა ზომებს იღებდა ხელისუფლება. ბუნებრივია, ამ ზომების მიღება უნდა გაგრძელდეს“, – აღნიშნა კობახიძემ.

სანქციების საკითხებში ევროკავშირის სპეციალური წარმომადგენელი დევიდ ო’სალივანი დღეს პრემიერ-მინისტრ ირაკლი ღარიბაშვილს შეხვდება. საქართველოს ხელისუფლებასთან ის საერთო ინტერესების სფეროში შემავალ საკითხებს განიხილავს, კერძოდ, სანქციებსა და მათ ეფექტიან განხორციელებას.