![ირაკლი კობახიძე1](https://geotimes.ge/wp-content/uploads/2024/02/irakli-kobakhidze1-1.jpg)
სალომე ზურაბიშვილსა და რადიკალური ოპოზიციის წარმომადგენლებს უნდათ, რომ ცესკო დარჩეს ჩიხში, რა თქმა უნდა, საპარლამენტო უმრავლესობას ვერ ექნება ეს სურვილი, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
პრემიერის თქმით, პრეზიდენტის ვეტოს დაძლევა ემსახურება ევროკავშირის ცხრა პუნქტიდან ერთ-ერთის შესრულებას.
„რაც შეეხება ცესკო-ს საკითხს, ძალიან მარტივად არის აქ საქმე – დღეს არის ერთგვარი ჩიხი შექმნილი ცესკო-ში, რადგან წელიწად-ნახევრის წინ არიან არჩეული ექვსი თვის ვადით ცესკო-ს მოქმედი თავმჯდომარე, ცესკო-ს ორი წევრი, ეს არის ერთგვარი ჩიხური მდგომარეობა. ის კანონპროექტი, რომელიც მიიღო პარლამენტმა თავის დროზე – მე, როგორც პარლამენტის წევრი, ვიყავი ჩართული ამ კანონპროექტის შემუშავებაში – ითვალისწინებს ჩიხიდან გამოსვლას. ცესკო, არ შეიძლება, დარჩეს ჩიხში. სალომე ზურაბიშვილს და რადიკალური ოპოზიციის წარმომადგენლებს უნდათ, რომ ცესკო დარჩეს ჩიხში, რა თქმა უნდა, საპარლამენტო უმრავლესობას ვერ ექნება ეს სურვილი, აქედან გამომდინარე, ბუნებრივია, ვეტოს დაძლევას ალტერნატივა არ აქვს. ჩვენ ვერ დავტოვებთ ცესკო-ს ჩიხურ მდგომარეობაში. ეს არის აბსოლუტურად მიუღებელი, რათა შესრულდეს ევროკავშირის ცხრა პუნქტიდან ერთ-ერთი, რომელიც უკავშირდება საქართველოში თავისუფალი, სამართლიანი, გამართული არჩევნების ჩატარებას, ამიტომ აუცილებელია ამ ვეტოს დაძლევა. ამ ვეტოს დაძლევა ემსახურება ევროკავშირის ცხრა პუნქტიდან ერთ-ერთის შესრულებას“, – განაცხადა პრემიერმა.