ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი კონსტანტინოვკაში სავაჭრო ცენტრზე რუსეთის თავდასხმას გამოეხმაურა, რის შედეგადაც ათზე მეტი ადამიანი დაიღუპა.
ბორელის თქმით, რუსეთმა კვლავ მიზანში ამოიღო უკრაინელი მშვიდობიანი მოქალაქეები, თავს დაესხა დონეცკის ოლქის ქალაქ კონსტანტინოვკაში მდებარე ხალხმრავალ სავაჭრო ცენტრს.
„ჩვენ მხარს ვუჭერთ რუსეთის პასუხისგებაში მიცემას ამ და ომის სხვა დანაშაულებისთვის.
უკრაინას ახლა მეტი სამხედრო მხარდაჭერა სჭირდება, რათა დაიცვას თავისი ქალაქები, მშვიდობიანი მოსახლეობა და ინფრასტრუქტურა“, – წერს ბორელი X-ზე.
