ჩვენ გვინდა, გვნახონ, რომ საქართველო რუსეთში არ მიდის, ჩვენი გზით მივდივართ და ქართული პოლიციაც ვერ იქნება შეფერხება -ნიკა გვარამია

19
spot_img

შეტრიალებული სიტუაცია გვაქვს, საბჭოთა საქართველოს პოლიცია იყო ხალხისკენ, დამოუკიდებელი საქართველოს პოლიცია, სამწუხაროდ, ასე არ იქცევა, – ამის შესახებ პარტია „ახალის“ ერთ-ერთმა ლიდერმა, ნიკა გვარამია პარლამენტთან აქციაზე განაცხადა.

გვარამიას თქმით, საქართველო არ მიდის რუსეთში, საითკენაც მიჰყავთ და ქართული პოლიციაც ვერ იქნება შეფერხება.

„მე არ ვიცი, გადაადგილების თავისუფლება რატომ არის შეზღუდული და რას გვეუბნება ეს ყველაფერი. მათ შეუძლიათ, იდგნენ პარლამენტის შიდა პერიმეტრზე და იქ არ შეუშვან არავინ. აქედან გასვლა, ქუჩის მიმართულებით სიარული, ეს ყველაფერი ყოველთვის ასე ხდება იმიტომ, რომ ადამიანები დაიჭირონ და ახლოსაც არ ჩაატარონ იმ მასხარებთან. ჩვენი მიზანია, გვნახონ, რამდენი ვართ, ვინ ვართ და რა გვინდა, საით მივდივართ. ესენი მიდიან სულ სხვაგან. ამათი ადგილი არის რუსეთში და საქართველოც იქ მიჰყავთ. ჩვენ გვინდა, გვნახონ, რომ საქართველო იქ არ მიდის, მათთან ერთად არ მიდის და ჩვენი გზით მივდივართ. ამ გზით ვივლით ყოველთვის და ქართული პოლიციაც ვერ იქნება შეფერხება“, – განაცხადა ნიკა გვარამიამ.

პარლამენტთან აქციის მონაწილეები „უცხოური გავლენის გამჭვირვალობის შესახებ“ კანონპროექტს აპროტესტებენ.