ჩინეთში, ჰენანის პროვინციაში, სკოლის საერთო საცხოვრებელში ხანძარი გაჩნდა, რის შედეგადაც 13 ადამიანი დაიღუპა. ამის შესახებ Xinhua იუწყება.
ცენტრალური ჩინეთის, ხენანის პროვინციის ქალაქ ნანიანთან ახლოს მდებარე სოფელ იანშანპუში სკოლის საერთო საცხოვრებელში ხანძარი 19 იანვარს ღამე გაჩნდა.
შემთხვევის ადგილზე მისულმა მეხანძრე-მაშველებმა ცეცხლის ჩაქრობა სწრაფად შეძლეს.
სამძებრო სამუშაოების დროს ნაპოვნი იქნა 13 დაღუპული ადამიანის ცხედარი და ერთი დაშავებული ადამიანი, რომელიც საავადმყოფოში გადაიყვანეს, მის სიცოცხლეს საფრთხე არ ემუქრება.
სკოლის დირექტორი დააკავეს, ხანძრის გამომწვევი მიზეზები და გარემოებები ამ დრომდე დგინდება.
