ჩინეთი მონაწილეობას მიიღებს უკრაინის მშვიდობის გეგმასთან დაკავშირებით შეხვედრაში, რომელზეც რუსეთი არ არის დაპატიჟებული. ამის შესახებ განცხადებას ჩინეთის საგარეო საქმეთა სამინისტრო ავრცელებს.
“საუდის არაბეთის სამეფოს მოწვევით ევრაზიის საკითხებში ჩინეთის მთავრობის სპეციალური წარმომადგენელი ლი ჰუეი უკრაინულ საკითხზე შეხვედრაში მონაწილეობისთვის ჯიდას ეწვევა.
ჩინეთი მზად არის საერთაშორისო თანამეგობრობასთან ითანამშრომლოს, რათა გააგრძელოს უკრაინაში კრიზისის პოლიტიკური დარეგულირების ძიებაში კონსტრუქციული როლის თამაში”, – წერია ჩინეთის საგარეო საქმეთა სამინისტროს განცხადებაში.
ცნობისთვის, საუდის არაბეთის მიერ ინიცირებული შეხვედრის გამართვა 5-6 აგვისტოში იგეგმება. რუსეთს ფედერაცია მოწვეული არ არის.
