“ჩემი მთავარი მთქმელი შინაგანი სინდისი და ქართველი ხალხია, სხვა მბრძანებელი არ მყავს, მათ შორის არც საელჩოებში”

23
spot_img

ყოფილმა პრეზიდენტმა რაც არ უნდა განცხადება გააკეთოს, ქართველი ხალხი ბრძენია, რასაც დაუკვეთავს, ისე იქნება, მათ შორის ხელისუფლებისთვის, ჩემთვისაც. გაზაფხულს იმაზე ადრე ვერავინ მოიყვანს, ვიდრე არ არის, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.

მანჯგალაძემ კომენტარი გააკეთა საქართველოს ყოფილი პრეზიდენტის, გიორგი მარგველაშვილის იმ განცხადებაზე, სადაც მარგველაშვილი ამბობს: „ოპოზიციას აქვს ზედმეტი დამოკიდებულება პარტნიორებზე, არ უნდა მივყვეთ, რასაც გვეტყვიან საელჩოებში, პროტესტის ტალღა უნდა აგორდეს, მოხდეს რადიკალიზაცია“.

„რუსული კანონი“ არის ხაფანგი, რომელმაც შეიძლება, ქვეყანას სტატუსი დააკარგვინოს. ქვეყნის ევროინტეგრაციის პროცესი საფრთხის წინაშე დადგა. ჩემი მთავარი მთქმელი შინაგანი სინდისი და ქართველი ხალხია, სხვა მბრძანებელი არ მყავს. მათ შორის არც საელჩოებში“, – განაცხადა მანჯგალაძემ.