ბულგარეთმა უკრაინიდან მარცველეულისა და სხვა პროდუქტების იმპორტი დროებით აკრძალა

182
spot_img

ბულგარეთმა უკრაინიდან მარცველეულისა და სხვა სასურსათო პროდუქტების იმპორტი დროებით აკრძალა.

ამის შესახებ ბულგარეთის პრემიერ-მინისტრის მოვალეობის შემსრულებელმა გალაბ დობევმა განაცხადა.

„მთავარი მიზეზი ის არის, რომ გასულ წელს ე.წ. სოლიდარობის კორიდორების მიუხედავად, სურსათის მნიშვნელოვანი მოცულობა ქვეყანაში დარჩა და დაარღვია  სურსათისა და ვაჭრობის ჯაჭვები, თუ ეს ტენდენცია შენარჩუნდება და ან კიდევ გაძლიერდება, რაც სრულიად შესაძლებელი სხვ ქვეყნების მიერ დაწესებული ანალოგიური აკრძალვების შემდეგ, ეს შესაძლოა, ბულგარეთის ბიზნესისთვის მძიმე შედეგებით დამთავრდეს“, – გნაცხადა დონევმა.

მისი თქმით, იმედი აქვს, რომ ბრიუსელი გაიგებს პოლონეთის, ბულგარეთის, უნგრეთისა და სლოვაკეთის პოზიციებს.

„ბულგარეთი რჩება უკრაინის მიმართ სოლიდარული. მაგრამ ბულგარელი ფერმერების გაკოტრება ამას ხელს ვერ შეუწყობს“, – განაცხადა დონევმა.

მანამდე ანალოგიური ზომები მიიღეს პოლონეთმა, უნგრეთმა და სლოვაკეთმა, თუმცა, ვარშავაში ორდღიანი მოლაპარაკებების შედეგად, გუშინ პოლონეთი დათანხმდა უკრაინული მარცვლეულისა და საკვები პროდუქტების ტრანზიტის განბლოკვას.

ევროპის ოთხი ქვეყნის განცხადებით, მათ მიერ უკრაინული პროდუქტების იმპორტის აკრძალვის მიზეზი არის ის, რომ ტრანზიტისთვის განკუთვნილი უკრაინული მარცვლეული აღნიშნული ქვეყნების ტერიტორიაზე რჩებოდა, რამაც ადგილობრივი წარმოების პროდუქციის გაიაფება გამოიწვია და ფერმერები დააზარალა.