“ბრძოლები უკრაინის აღმოსავლეთსა და სამხრეთში გრძელდება, მაგრამ წვიმიანი ამინდი მათ ტემპს ანელებს” – ISW

80
spot_img

ბრძოლები უკრაინის აღმოსავლეთსა და სამხრეთში გრძელდება, მაგრამ წვიმიანი ამინდი მათ ტემპს ანელებს, – ამის შესახებ ომის შესწავლის ინსტიტუტი (ISW) იუწყება.

როგორც ომის შესწავლის ინსტიტუტი იუწყება რუს მედია ბლოგერზე დაყრდნობით, შეიარაღებული ძალები აგრძელებენ ავდიივკას დაცვას რუსების ძლიერი ჯგუფისგან და ამავე დროს ინარჩუნებენ ინიციატივას სამხრეთ ფრონტზე. მისი თქმით, საოკუპაციო ჯარის გამარჯვებებზე საუბარი ნაადრევია, რადგან ეს ბრძოლის ველზე არსებულ ვითარებაზე ცრუ წარმოდგენებს შექმნის.

ამასთან, კიდევ ერთი სამხედრო ოფიცერი დასძენს, რომ მიუხედავად იმისა, რომ უამინდობა ხელს უშლის ჯავშანტექნიკის გამოყენებას ზაპოროჟიეს რეგიონის დასავლეთ ნაწილში, უკრაინის ჯარები ქვეითი ნაწილებით უტევენ რუსეთის პოზიციებს.

ბრიტანულმა დაზვერვამ განაცხადა, რომ არცერთ მხარეს არ მიუღწევია მნიშვნელოვანი პროგრესი კუპიანსკის, ავდიივკის მიმართულებით ან ხერსონის ოლქის მარცხენა სანაპიროზე, სადაც ყველაზე ინტენსიური ბრძოლები მიმდინარეობს.

„ზამთრის ყინვიანი ამინდის პირობები, სავარაუდოდ, ხელს შეუწყობს უფრო აქტიური საომარი მოქმედებების განახლებას და წვიმიანმა ამინდმა ნაკლებად სავარაუდოა, რომ შეაჩეროს უკრაინის ან რუსეთის თავდასხმები“, – დასძინა ანალიტიკოსმა.