Bloomberg-ის პლატფორმაზე საქართველოს ტურისტული პოტენციალის შესახებ ვიდეორგოლი მომზადდა

106
spot_img

საქართველოს ტურიზმის ეროვნული ადმინისტრაციის მარკეტინგული კამპანიის ფარგლებში Bloomberg-ზე ცნობილმა იუთუბერებმა, ჯეიმ პოულ სპარფორდმა და ბენჯამინ დევიდ ებრელმა კახეთის შესახებ ვიდეორგოლი მოამზადეს. გადაცემა Sorted Food-ის წამყვანებმა საქართველოში Bloomberg-თან ერთად იმოგზაურეს.

ვიდეორგოლში Glimpses of Georgia: Kakheti კახეთის ტურისტული ადგილებია ნაჩვენები. Sorted Food-ის წამყვანებმა ჩურჩხელის ამოვლებაში, პურის ცხობასა და ყურძნის დაწურვაში მიიღეს მონაწილეობა. სამწუთიან ვიდეორგოლში ნაჩვენებია კახეთის ვენახები და მარნები.

გადაცემას Sorted FoodYoutube-ზე 2,7 მილიონი გამომწერი ჰყავს. Sorted Food-ის გუნდი Bloomberg-ის კამპანიის ფარგლებში Youtube-ის მომხმარებლებს საქართველოს ტურისტულ მიმართულებას, კულტურას, ქართულ სამზარეულოსა და ღვინოს აცნობს.

ტურიზმის ეროვნული ადმინისტრაციის მასშტაბური მარკეტინგული კამპანიის ფარგლებში Bloomberg-ი საქართველოს შესახებ სტატიასა და ვიდეორგოლთან ერთად კიდევ საიმიჯო რეპორტაჟსაც გამოაქვეყნებს. მიმდინარეობს სარეკლამო კამპანია სოციალურ მედიაში (Facebook, Twitter, Instagram, Youtube, TikTok), რომელიც წლის ბოლომდე გაგრძელდება.

Bloolberg-ზე მარკეტინგული კამპანიის მიზანია საქართველოში მსოფლიოს სხვადასხვა ქვეყნიდან მაღალმხარჯველი ტურისტების მოზიდვა.