“ბიძინა ივანიშვილი არის “ქართული ოცნების” გაჭრილი “კოზირი”-პაატა მანჯგალაძე

55
spot_img

„ქართულმა ოცნებამ” რამდენი ყრილობაც არ უნდა ჩაატაროს და რამდენჯერაც არ უნდა დააბრუნოს უკან ბიძინა ივანიშვილი, ხალხს არჩევანი უკვე გაკეთებული აქვს”- ამის შესახებ „სტრატეგია აღმაშენებლის” ერთ-ერთმა ლიდერმა პაატა მანჯგალაძემ განაცხადა.

მისი თქმით, “ქართული ოცნება” დასრულებულია.

„ქართულმა ოცნებამ” რამდენი ყრილობაც არ უნდა ჩაატაროს და რამდენჯერაც არ უნდა დააბრუნოს უკან ბიძინა ივანიშვილი, ხალხს არჩევანი უკვე გაკეთებული აქვს. ბიძინა ივანიშვილი არის “ქართული ოცნების” გაჭრილი „კოზირი“, ამას არავინ არ ჭამს, დასრულებულია „ქართული ოცნება”. ხალხმა ირწმუნა იმის, რომ ევროპა აქვეა და ამ გზაზე მათ ვერავინ შეაჩერებს – ვერც პოლიტსაბჭოს შიგნით ძალების გადანაწილება-გადმონაწილება და ვერც უკვე გაჭრილი „კოზირის“, ბიძინა ივანიშვილის კვლავ დაბრუნების შესაძლებლობა.

რაც შეეხება იმას, დაბრუნდება თუ არა – ამის პროგნოზირება შესაძლებელია ერთადერთ შემთხვევაში, როცა პოლიტიკურ პროცესებთან გვაქვს საქმე, მაგრამ ერთპარტიული მმართველობის პირობებში ეს არის უფრო ვარსკვლავთმრიცხველობა, რომ გამოთვალო რა ფეხზე გაიღვიძა არაფორმალურმა მმართველმა ბიძინა ივანიშვილმა. ამიტომ ამის პროგნოზირება ძნელია, მაგრამ ის, რომ “ქართულ ოცნებაში” არის კრიზისი, ეს არის ფაქტი”, – განაცხადა პაატა მანჯგალაძემ.