ბელგოროდში კიდევ ერთი ავიაბომბი აღმოაჩინეს 3 ათასზე მეტი ადამიანის ევაკუაცია გამოცხადდა

98
spot_img

რუსეთის ქალაქ ბელგოროდში, სადაც 20 აპრილს რუსულმა სუ-34-მა შემთხვევით ბობი ჩამოაგდო, კიდევ ერთი საავიაციო ბომბი აღმოაჩინეს. ამის შესახებ ბელგოროდის ოლქის გუბერნატორი ვიაჩესლავ გლადკოვი იტყობინება.

მისი თქმით, ბომბი გამნაღმველებმა იპოვეს. ბომბს პოლიგონზე გააუვნებელყოფენ.

გლადკოვმა თქვა, რომ 200 მეტრის რადიუსში მდებარე მაღალსართულიანი სახლიდან მოსახლეობის ევაკუაციას მოახდენენ. წინასწარი მონაცემებით, ეს სამი ათასზე მეტი ადამიანია.

ტელეგრამ-არხ Baza- სცნობით, საავიაციო ბომბი მიწისქვეშ არის. წინასწარი ინფორმაციით, ბომბმა შვიდი მეტრის სიღრმემდე ჩააღწია.

20 აპრილს, რუსულმა სუ-34-მა შემთხვევით  ბელგოროდის ცენტრში ბომბი ჩამოაგდო, დაშავდა ორი ადამიანი, დაზიანდა საცხოვრებელი სახლები და რამდენიმე ავტომობილი. აფეთქების ადგილზე კი 20-მეტრიანი ორმო გაჩნდა.