“ბათუმში მიმდინარე მოვლენებს სახალხო დამცველი აკვირდება” – ომბუდსმენის აპარატი განცხადებას ავრცელებს

80
spot_img

ბათუმში მიმდინარე მოვლენებს სახალხო დამცველი აკვირდება – ომბუდსმენის აპარატი განცხადებას ავრცელებს.

სახალხო დამცველის ინფორმაციით, საპროტესტო აქციაზე, შინაგან საქმეთა სამინისტროს თანამშრომლებმა წვრილმანი ხულიგნობისა და სამართალდამცავთა მოთხოვნისადმი დაუმორჩილებლობის მუხლებით, 19 პირი დააკავეს, მათ შორის, სავარაუდოდ, ერთი უკრაინის მოქალაქე.

“სახალხო დამცველის რწმუნებული შეხვდა დაკავებულ სამ მოქალაქეს, რომელთაგან ერთ-ერთმა, ისაუბრა პოლიციის თანამშრომელთა მხრიდან სიტყვიერი და ფიზიკური შეურაცხყოფის ფაქტზე. ინფორმაცია სახალხო დამცველის აპარატმა სპეციალურ საგამოძიებო სამსახურს მიაწოდა და სწრაფ და ეფექტიან რეაგირებას ელოდება. ნათქვამია განცხადებაში.

აჭარის პოლიციის დეპარტამენტის მიერ სახალხო დამცველის რწმუნებულისთვის მიწოდებული ინფორმაციის თანახმად, დაკავებული ცხრა მოქალაქე გადაყვანილია სენაკისა და ზუგდიდის დროებითი მოთავსების იზოლატორებში. ხოლო, ორი დაკავებულის გადაყვანა იგეგმება ოზურგეთის დროებითი მოთავსების იზოლატორში,” – წერია გავრცელებულ განცხადებაში.