ბათუმში ძლიერმა ქარმა რამდენიმე ხე მოგლიჯა და 6 ავტომანქანა დააზიანა

201
spot_img

ბათუმში ძლიერი ქარისა და წვიმის შედეგად რამდენიმე ხე წაიქცა. ადგილობრივების ინფორმაციით, მოგლეჯილო ხეები ექვს ავტომობილს დაეცა.

„ძლიერი ქარის გამო, 18-ე საბავშვო ბაღთან წაიქცა ხეები, დაზიანდა ავტომობილები, ასევე ინფრასტრუქტურა. შემთხვევით გადავურჩით, საშინელი მდგომარეობაა. ვითხოვთ დახმარებას“, – აცხადებენ მოქალაქეები.

შემთხვევის ადგილზე სამაშველო სამსახურის თანამშრომლები და ბათუმის მერიის წარმომადგენლები მივიდნენ. ტერიტორიაზე გაწმენდითი სამუშაოები დაიწყო.