ბათუმის ნავსადგურში საკრუიზო ლაინერს, რომელზეც რუსეთის მოქალაქეები იმყოფებიან, აქციით დახვდნენ

0
143
spot_img

ბათუმის პორტში, აქციის მონაწილეებსა და სამართალდამცავებს შორის კვლავ დაპირისპირება იყო.

აქციის მონაწილეები შემოსაზღვრული ტერიტორიის გავლასა და პორტის სივრცეში, სადაც საკრუიზო ლაინერი „ასტორია გრანდეა“ გაჩერებული, შესვლას ცდილობდნენ.

არსებული ინფორმაციით, სამართალდამცავებმა დაპირისპირებისას კიდევ ერთი ადამიანი დააკავეს.

მთელი ღამის განმავლობაში მიმდინარეობდა საპროტესტო აქცია ბათუმის ნავსადგურში.

საკრუიზო ლაინერი Astoria Grande, რომელზეც რუსეთის მოქალაქეები იმყოფებიან, ნავსადგურში დილის 06:00 საათისთვის შემოვიდა. მას აქციის მონაწილეები პროტესტით დახვდნენ.

ადგილზე რამდენჯერმე მოხდა სიტყვიერი დაპირისპირება სამართალდამცველებთან. სავარაუდოდ დაკავებულია ათამდე ადამიანი.

ნავსადგურის მიმდებარედ, გოგებაშვილის ქუჩის ნაწილი გადაკეტილი აქვთ სამართალდამცველებს, მეორე ნაწილი კი აქციის მონაწილეებს. გემის მიმდებარედ სამართალდამცველები არიან მობილეზებულნი.

საკრუიზო ლაინერიდან მგზავრები სავარაუდოდ მალე დაიწყებენ ჩამოსვლას. აქციაზე ისმის შეხახილები, სტვენა, გაშალეს სხვადასხვა ბანერი.

ადგილზე იმყოფებიან მოქალაქეები, „ნაციონალური მოძარობის“ და სხვა ოპოზიციური პარტიების წარმომადგენლები.

საკრუიზო ლაინერის შემოსვლის გასაპროტესტებლად, ბათუმის ნავსადგურში მოქალაქეებმა და ოპოზიციური პარტიების წარმომადგენლებმა შეკრება 00:00 საათისთვის დაიწყეს. ადგილზე მოხდა დაპირისპირებაც, რის შედეგადაც რამდენიმე ადამიანი დააკავეს.

ეკონომიკისა და მდგრადი განვითარების სამინისტროში განაცხადეს, რომ პალაუს დროშის ქვეშ მცურავი საკრუიზო ლაინერი Astoria Grande სანქცირებული არ არის და მსოფლიოს სხვადასხვა ნავსადგურში თავისუფლად გადაადგილდება.