აზერბაიჯანში რიგგარეშე საპრეზიდენტო არჩევნები იმართება

44
spot_img

დღეს აზერბაიჯანში რიგგარეშე საპრეზიდენტო არჩევნები იმართება.

როგორც ადგილობრივი მედია წერს, ხმის მიცემის პროცესი უკვე დაწყებულია.

მედიის ცნობით, შედეგების შესახებ წინასწარ ინფორმაციას ცესკო-ს საინფორმაციო ცენტრი 10:00, 12:00, 15:00, 17:00 და 19:00 საათზე გაავრცელებს.

არჩევნებში მონაწილეობას შვიდი კანდიდატი იღებს, მათ შორის, მოქმედი პრეზიდენტი ილჰამ ალიევი.

ამ დროისთვის ამომრჩეველთა სიაში ექვს მილიონზე მეტი ადამიანია რეგისტრირებული.

შეგახსენებთ, რომ აზერბაიჯანის პრეზიდენტმა, ილჰამ ალიევმა ხელი მოაწერა განკარგულებას აზერბაიჯანის რესპუბლიკის რიგგარეშე საპრეზიდენტო არჩევნების გამოცხადების შესახებ.

აზერბაიჯანში ბოლო საპრეზიდენტო არჩევნები 2018 წელს ჩატარდა, შესაბამისად, მორიგი საპრეზიდენტო არჩევნები 2025 წლის აპრილში უნდა გამართულიყო.