აზერბაიჯანმა საფრანგეთის საელჩოს ორი თანამშრომლები პერსონა ნონ-გრატად გამოაცხადა და ქვეყნიდან გააძევა. ამის შესახებ Deutsche Welle წერს.
გამოცემის ინფორმაციით, დიპლომატებს აზერბაიჯანის დასატოვებლად 48 საათი გასცეს. ამასთან, აზერბაიჯანის საგარეო საქმეთა სამინისტროში არ აზუსტებენ ამ გადაწყვეტილების მიზეზებს.
ოქტომბერში კი აზერბაიჯანის პრეზიდენტმა ილჰამ ალიევმა უარი თქვა სომხეთის პრემიერ-მინისტრთან, ნიკოლ ფაშინიანთან მოლაპარაკებების გამართვაზე და ევროკავშირი და საფრანგეთი მთიანი ყარაბაღის საკითხში „მიკერძოებულობაში“ დაადანაშაულა. მოლაპარაკებებში მედიატორების როლი საფრანგეთის პრეზიდენტს ემანუელ მაკრონს, გერმანიის კანცლერ ოლაფ შოლცს და ევროსაბჭოს პრეზიდენტ შარლ მიშელს უნდა შეესრულებინათ.
