ხაშურში, ბორჯომის ქუჩაზე ავტოსაგზაო შემთხვევას ქვეითი ემსხვერპლა.
27 წლის მამაკაცი შემთხვევის ადგილზე სასწრაფო სამედიცინო დახმარების მისვლამდე გარდაიცვალა.
როგორც შინაგან საქმეთა სამინისტროში განაცხადეს, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევით ადამიანის სიცოცხლის მოსპობას გულისხმობს.
