“აუცილებლად უნდა გასცეს პასუხი კითხვაზე, რა აკავშირებს მას სააკაშვილის ლობისტებთან” – ლევან ნიკოლეიშვილი ევან ელიოტზე

97
spot_img

ექსპერტი ლევან ნიკოლეიშვილი სოციალურ ქსელში აშშ-ის საელჩოს თანამშრომლის, ევან ელიოტის ფოტოს აქვეყნებს და წერს, რომ ამერიკის იუსტიციის დეპარტამენტის გვერდზე განთავსებული დოკუმენტების მიხედვით, სწორედ ელიოტის დახმარებით ცდილობდნენ სააკაშვილის მიერ დაქირავებული ლობისტები სალომე ზურაბიშვილთან შეხვედრას.

ნიკოლეიშვილი მიიჩნევს, რომ ევან ელიოტმა აუცილებლად უნდა გასცეს პასუხი კითხვაზე, თუ რა აკავშირებს მას მიხეილ სააკაშვილის ლობისტებთან და რატომ გაბედა მისი შეწყალების თაობაზე კომუნიკაცია პრეზიდენტ ზურაბიშვილთან.

„ეს კაცი არის ევან ელიოტი – ამერიკის საელჩოს თანამშრომელი, რომელიც ძალიან დიდ სკანდალშია გახვეული. ფარაზე ატვირთული დოკუმენტების მიხედვით, სწორედ ამ ადამიანის გავლით ცდილობდნენ კრიმინალი სააკაშვილის ლობისტები სალომე ზურაბიშვილთან შეხვედრას. მე ვფიქრობ, რომ ამ “პატიოსანმა კაცმა” აუცილებლად უნდა გასცეს პასუხი კითხვაზე, რა აკავშირებს მას სააკაშვილის ლობისტებთან და რატომ გაბედა, დამნაშავის შეწყალებაზე კომუნიკაცია ერთი მხრივ ლობისტებთან, მეორე მხრივ პრეზიდენტთან. თუ ამ კითხვებზე პასუხს არ გასცემს, აუცილებლად უნდა გავაცემინოთ“, – წერს ლევან ნიკოლეიშვილი.