„აწარმოე საქართველოში“ ექსპორტის მხარდასაჭერად ახალ პროგრამას იწყებს

135
spot_img

„აწარმოე საქართველოში“ ექსპორტის მხარდასაჭერად ახალ პროგრამას იწყებს.

ინდივიდუალური გრანტი ექსპორტზე ორიენტირებულ კომპანიებს დამატებით შესაძლებლობას მისცემს, გაზარდონ საექსპორტო პოტენციალი და გააფართოონ კავშირები საერთაშორისო პარტნიორებთან.

თუ აქამდე კომპანიები მონაწილეობას იღებდნენ სააგენტოს მიერ ორგანიზებულ საერთაშორისო ღონისძიებებში, ახალი პროგრამა მათ საშუალებას მისცემს, ინდივიდუალურად მიიღონ მონაწილეობა სასურველ საერთაშორისო გამოფენაში და ამისთვის სააგენტოსგან ფინანსურ დახმარებას მიიღებენ. ეს შესაძლებლობა დამატებით წაახალისებს ქართული პროდუქტის სხვადასხვა საერთაშორისო ბაზარზე წარმოჩენას.