ამერიკის შეერთებული შტატები უკრაინას კასეტურ საბრძოლო მასალას სამხედრო დახმარების ფარგლებში მიაწვდის, – ამის შესახებ აშშ-ის ეროვნული უსაფრთხოების საკითხებში მრჩეველმა ჯეიკ სალივანმა განაცხადა.
„ჩვენ გადაწყვეტილებები დაფუძნებულია უკრაინის საჭიროებებზე და უკრაინას სჭირდება არტილერია მისი შეტევითი და თავდაცვითი ოპერაციების განსახორციელებლად. მნიშვნელოვანია უკრაინაში დახმარების გაგზავნა, სანამ საარტილერიო საბრძოლო მასალის წარმოება გაიზრდება“, – აღნიშნა სალივანმა.
სალივანმა, ასევე, აღნიშნა, რომ რუსეთი უკრაინის წინააღმდეგ ომის დაწყების დღიდან კასეტურ ბომბებს იყენებს.
„უკრაინამ მოითხოვა კასეტური საბრძოლო მასალები საკუთარი სუვერენული ტერიტორიის დასაცავად“, – დასძენს სალივანი.
