აშშ-ის წარმომადგენელთა პალატამ რესპუბლიკელი ჯორჯ სანტოსი კონგრესიდან გარიცხა

36
spot_img

აშშ-ის წარმომადგენელთა პალატამ ნიუ-იორკის შტატის წარმომადგენელი, რესპუბლიკელი ჯორჯ სანტოსი კონგრესიდან გარიცხა.

გადაწყვეტილებას 311-მა კონგრესმენმა 114-ის წინააღმდეგ დაუჭირა მხარი. სანტოსი მეექვსე ადამიანია კონგრესის ისტორიაში, რომელიც წარმომადგენელთა პალატიდან გარიცხეს.

სანტოსს მიმდინარე წლის მაისში ბრალი წაუყენეს ელექტრონულ თაღლითობაში, ფულის გათეთრებასა და საჯარო სახსრების მითვისებაში. მას ასევე ადანაშაულებენ წარმომადგენელთა პალატაში ცრუ განცხადებების გაკეთებაში და საკუთარი ბიოგრაფიის გაყალბებაში.

საერთო ჯამში სანტოსს 23 ბრალდება აქვს წარდგენილი, თუმცა პოლიტიკოსი ყველა მათგანს უარყოფს და თავს უდანაშაულოდ ცნობს.