აშშ-ის პრეზიდენტობის კანდიდატი “მწვანეთა” პარტიიდან, ჯილ სტაინი მისურის შტატის ქალაქ სენტ-ლუისში, ვაშინგტონის უნივერსიტეტის კამპუსში პროპალესტინურ აქციაზე დააკავეს.
ამის შესახებ ჯილ სტაინის საარჩევნო შტაბმა X-ში (Twitter) დაწერა.
სტაინის გარდა, დაკავებულია მისი კამპანიის ხელმძღვანელი – ჯეისონ ქოლი და მისი მოადგილე – კელი მერილ-კიერი. საარჩევნო შტაბში ასევე აღნიშნეს, რომ დაკავება ასზე მეტ ადამიანს შეეხო, ძირითადად – ვაშინგტონის უნივერსიტეტის სტუდენტებს.
წინა დღეს სასწავლო დაწესებულების ტერიტორიაზე კარვების ბანაკი მოეწყო. აქციის მონაწილეთა მოთხოვნაა, უნივერსიტეტმა Boeing-ში წილებზე უარი თქვას, რომელიც აწარმოებს საბრძოლო მასალას, რომელიც გამოიყენება “ღაზაში პალესტინელი ხალხის გენოციდის ფარგლებში”. როგორც შტანის განცხადებაშია აღნიშნული, სტაინის გუნდმა “სამოქალაქო თავისუფლებების დასაცავად მშვიდობიან პროტესტს” მხარი დაუჭირა.
სტაინი რამდენიმე საათის განმავლობაში იყო დაკავებული. ინციდენტთან დაკავშირებით მან თქვა, რომ ხელბორკილები დაადეს.
