უკრაინის პრეზიდენტმა, ვოლოდიმირ ზელენსკიმ ტელეკომპანია CNN-თან ინტერვიუში განაცხადა, რომ აშშ-ის დახმარების გარეშე უკრაინაში მილიონობით ადამიანი დაიღუპება.
კითხვაზე ამერიკელი სენატორის ჯ.დ. ვენსის განცხადების შესახებ, რომ ომის შედეგი არ შეიცვლება მაშინაც კი, თუ უკრაინა მიიღებს ფულს, ზელენსკიმ უპასუხა, რომ სენატორს “არ ესმის, რა ხდება უკრაინაში”.
“ამის გასაგებად, ფრონტზე მისვლაა საჭირო, რათა დაინახოთ რა ხდება. ამ მხარდაჭერის გარეშე მილიონობით ადამიანი დაიღუპება. მას [სენატორს] ეს არ ესმის”, – აღნიშნა ვოლოდიმირ ზელენსკიმ.
