“ასეთი ომი არ ყოფილა არც XX საუკუნეში და არ იქნება არც XXI-ში”-BBC

57
spot_img

უკრაინის ეროვნული უსაფრთხოებისა და თავდაცვის საბჭოს მდივანი ალექსი დანილოვი ბრიტანული სამაუწყებლო კომპანიის BBC-ის რუსული სამსახურისათვის (BBC Russian) მიცემულ ინტერვიუში სათაურით „ასეთი ომი არ ყოფილა არც XX საუკუნეში და არ იქნება არც XXI-ში“.

„რა თქმა უნდა, ეს არ ნიშნავს იმას, რომ ჩვენ ვერ გავიმარჯვებთ. პირიქით, გამარჯვება ჩვენ დაგვრჩება“, – ხაზი გაუსვა ალექსი დანილოვმა.

სხვათა შორის, საინტერესოა გავიხსენოთ, რომ უკრაინის არმიის კონტრშეტევის დაწყების წინ, 2023 წლის მაისში ალექსი დანილოვმა განაცხადა, რომ „უახლოეს თვეებში უკრაინას რუსეთზე გამარჯვების ისტორიული შესაძლებლობა ექნება“.

ამჟამად კი, თავისი იმდროინდელი განცხადების გახსენებისას, ალექსი დანილოვი აღიარებს, რომ მაისში უკრაინის ყოველ მოქალაქეს სურდა, რომ ომი რაც შეიძლება სწრაფად დამთავრებულიყო. შესაბამისად, იმედები არსებობდა, მაგრამ… მოლოდინები არ გამართლდა“. „რას ვიზამთ… ხდება ხოლმე. ადამიანები ზოგჯერ შეცდომებს უშვებენ. მთელი ცხოვრება ფრიადოსანი ვერ იქნები“, – თქვა ალექსი დანილოვმა
უკრაინის ეროვნული უსაფრთხოებისა და თავდაცვის საბჭოს მდივანმა ინტერვიუში, რომელიც მას BBC-ის კორესპონდენტმა ჯესიკა პარკერმა ჩამოართვა, ფრონტის ხაზზე შექმნილი სიტუაცია შეაფასა როგორც „ძალიან რთული და მძიმე“ და განაცხადა, რომ ძველი სამხედრო სახელმძღვანელოები, მათ შორის ნატოს სახელმძღვანელოებიც, უკვე არქივში უნდა ჩაბარდეს, ისინი პრაქტიკულად გამოუსადეგრები გახდნენ. „ასეთი ომი არ ყოფილა არც XX საუკუნეში და მეტად არ იქნება არც XXI-ში“, – აღნიშნა ალექსი დანილოვმა.

„ის, რომ ჩვენ ორი წლის განმავლობაში ვიცავთ ქვეყანას, ჩვენს დიდ გამარჯვებას ნიშნავს“, – ამბობს უკრაინელი მაღალჩინოსანი ინტერვიუში.

როგორც ალექსი დანილოვი ვარაუდობს, უკრაინისადმი დახმარების საკითხში აშშ-ის კონგრესში შექმნილი პრობლემის მიუხედავად, უკიდურეს შემთხვევაში აშშ-საგან გარკვეული სამხედრო დაფინანსება მაინც იქნება აუცილებლად მიღებული.

„თუ ისე მოხდება, რომ აშშ-საგან ამ საჩუქარს ქრისტეშობის დღესასწაულამდე მივიღებთ, ჩვენ ძალიან კმაყოფილები და გახარებულები ვიქნებით“, – აღნიშნა მან, – „მაგრამ თუ ეს უფრო მოგვიანებით მოხდება, ამისგან ტრაგედიას ნუ შევქმნით“.

ალექსი დანილოვმა უარი თქვა პასუხი გაეცა კითხვებისათვის – შესაძლებელია თუ არა სამომავლოდ ახალი მცდელობის განხორციელება რუსეთის მიერ ოკუპირებული ტერიტორიების დაბრუნების მიზნით და წააგებს თუ არა უკრაინა ომს, თუ აშშ მის დახმარებას შეწყვეტს.

„შემიძლია მხოლოდ ის გითხრათ, რომ ჩვენ არ გავჩერდებით“, – აღნიშნა უკრაინელმა მაღალჩინოსანმა, – „ბრძოლას ჩვენი თავისუფლებისა და დამოუკიდებლობისათვის აუცილებლად გავაგრძელებთ“.

წყარო: