“არახამიასთან ერთად “ჩალიჩობენ და ევროპელი პენსიონერების ფულით, ევროპელ ლობისტებს ყიდულობენ” – ზურაბ ქადაგიძე

4703
spot_img

თუ სადმე ნაძირალა არსებობდა, ყველამ ერთად მოიყარა თავი, ჩვენს საამაყო ოპოზიციაში. თუმცა, რა გასაკვირია? რა ნაძირალებიც ხელისუფლებაში იყვნენ, ისევ ისეთები დარჩნენ, – წერს „ხალხის ძალის“ წევრი ზურაბ ქადაგიძე, რითაც „ქრონიკის“ მიერ გავრცელებულ ინფორმაციას ეხმიანება, რომლის მიხედვით, აღმაშენებლის გამზირზე მდებარე შენობას, სადაც ე.წ. ქოლცენტრი აღმოაჩინეს, რამდენიმე მფლობელი ჰყავს და მათ შორისაა დეპუტატ გიორგი ვაშაძის ძმა დავით ვაშაძე.

„არ არსებობს, გიორგი მაგას არ იკადრებდა! თუ სადმე ნაძირალა არსებობდა, ყველამ ერთად მოიყარა თავი, ჩვენს საამაყო ოპოზიციაში. რუსულ ფულს არ თაკილობენ. საქართველოს საბოტაჟს ეწევიან და ყველაზე ბინძური, თაღლითური გზებით მდიდრდებიან. თუმცა, რა გასაკვირია? რა ნაძირალებიც ხელისუფლებაში იყვნენ, ისევ ისეთები დარჩნენ. ახლა უფრო დიდ მასშტაბებს გასწვდნენ, არახამიასთან ერთად “ჩალიჩობენ” და ევროპელი პენსიონერების ფულით, ევროპელ ლობისტებს ყიდულობენ,“- წერს ზურაბ ქადაგიძე სოციალურ ქსელში.