უკრაინის უმაღლესი რადას ფრაქციის „ხალხის მსახურის“ წევრი იური არისტოვი, რომელიც უკრაინის უსაფრთხოების პოლიტიკაზეა პასუხისმგებელი, მალდივის კუნძულებზე აღმოაჩინეს. ამის შესახებ Nexta Live იუწყება.
კერძოდ, არისტოვი 5-ვარსკვლავიან სასტუმროში Waldorf Astoria Maldives შენიშნეს, სადაც ნომრის ფასი 100-დან 323 ათას უკრაინულ გრივნამდე (2700-8700 აშშ დოლარი) მერყეობს. სასტუმრო კერძო კუნძულზე, ისთჰააფუშიზე მდებარეობს.
ეს ინფორმაცია უკრაინულ გამოცემა „სლიდსტვო ინფო“-ს სასტუმროს თანამშრომლებმაც დაუდასტურეს. მათ აღნიშნეს, რომ არისტოვმა სასტუმრო უკვე დატოვა.
მომხდარზე კომენტარი გააკეთა „ხალხის მსახურის“ ფრაქციის ხელმძღვანელმა დავით არახამიამ. მისი თქმით, არისტოვს პარტიის პოლიტსაბჭოში წევრობა უკვე შეუჩერეს. „ამჟამად მივლინების შესახებ ინფორმაციას ვამოწმებთ. თუ მედიაში გავრცელებული ინფორმაცია დადასტურდა, მოვითხოვთ კომიტეტიდან მის დაუყოვნებლივ გათავისუფლებას და სადეპუტატო უფლებამოსილების შეჩერებას“, – განაცხადა არახამიამ.
