ოთხშაბათი, ივნისი 7, 2023
spot_img
Homeსიახლეებიმსოფლიო"არ ვფიქრობ, რომ ეს ომი მხოლოდ პუტინის ბრალია, უკრაინის ალიანსში მიპატიჟება არ...

“არ ვფიქრობ, რომ ეს ომი მხოლოდ პუტინის ბრალია, უკრაინის ალიანსში მიპატიჟება არ იყო გონივრული” – ჰენრი კისინჯერი

spot_img

აშშ-ის ყოფილი სახელმწიფო მდივანი ჰენრი კისინჯერი ამბობს, რომ უკრაინაში ომი მხოლოდ პუტინის ბრალი არ არის. მისი თქმით, ომი ნაწილობრივ იმის გამო დაიწყო, რომ ნატო-ში უკრაინის გაწევრიანების პერსპექტივა განიხილებოდა. ეს განცხადება კისინჯერმა გერმანულ მედიასთან ინტერვიუში გააკეთა.

„მე არ ვფიქრობ, რომ ეს ომი მხოლოდ პუტინის ბრალია. თავად ომი არის სასტიკი, თავდასხმას უნდა უპასუხო და მე მხარს ვუჭერ უკრაინისა და დასავლეთის წინააღმდეგობას, მაგრამ ჯერ კიდევ 2014 წელს ჩემს ესეიში გამოვთქვი სერიოზული ეჭვები, რომლებიც მქონდა უკრაინის ნატო-ში გაწევრიანების გეგმასთან დაკავშირებით. ამით დაიწყო მოვლენების სერია, რომელიც ომით დასრულდა. ეს არ გახლავთ ომის გამართლება, მაგრამ მე მაშინაც და ახლაც ვფიქრობ, რომ, აღმოსავლეთის ბლოკის ყოფილი წევრი სახელმწიფოების ნატო-ში მიღებასთან ერთად, უკრაინის ალიანსში მიპატიჟება არ იყო გონივრული“, – განაცხადა კისინჯერმა.

მისივე თქმით, მაშინ ის გამოდიოდა ინიციატივით, რომ უკრაინას ჰქონოდა ნეიტრალური სტატუსი, რათა ის გადაქცეულიყო მხარეებს შორის ხიდად.

ამჟამად კი აშშ-ის ყოფილი სახელმწიფო მდივანი მიიჩნევს, რომ ომის დასრულების შემდეგ უკრაინის ნატო-ში მიღება აუცილებელია.

„ახლა, როდესაც ნატო-სა და რუსეთს შორის უკვე აღარ არის ნეიტრალური ზონები, დასავლეთისთვის უმჯობესია, უკრაინა ნატო-ში მიიღოს. ეს იქნება გარანტია, რომ კონფლიქტები, რომლებიც შეიძლება, წარმოიშვას ომის დასრულების შემდეგ ან სამშვიდობო შეთანხმების შედეგად, არ შეიძლება იყოს, გადაჭრილი რუსეთის ან უკრაინის ცალმხრივი თავდასხმების გზით“, – განაცხადა კისინჯერმა.

spot_img
მსგავსი სიახლეები
- რეკლამა -
Google search engine

TOP სიახლეები