რომის პაპი ფრანცისკე თავის საკვირაო ქადაგებაში რუსეთის მიერ უკრაინის ქალაქ ოდესის დაბომბვას გამოეხმაურა და მრევლს ლოცვისკენ მოუწოდა. ამის შესახებ უკრაინული მედია Vatican News-ზე დაყრდნობით იტყობინება.
„არ შევწყვიტოთ მშვიდობისთვის ლოცვა, განსაკუთრებით უკრაინისთვის. სამწუხაროდ, უკრაინა ღამით ისევ დაბომბეს“, – აღნიშნა რომის პაპმა.
23 ივლისის ღამეს რუსეთმა კვლავ განახორციელა სარაკეტო შეტევა ოდესაზე. ექვსი შენობა განადგურდა. ასევე დაზიანდა ქალაქის უდიდესი ტაძარი. უკრაინის შეიარაღებული ძალების საჰაერო ძალებმა განაცხადეს, რომ რუსებმა ღამით ოდესის რეგიონში სხვადასხვა ტიპის 19 რაკეტა გაუშვეს.
