“არ მესმის, რატომ გადააქვს აშშ-ს ავიამზიდების ჯგუფები ხმელთაშუა ზღვაში, ანუ ვინმეს შეშინება გადაწყვიტეს?” – პუტინი

რუსეთის პრეზიდენტი ვლადიმერ პუტინი აცხადებს, რომ ამერიკის შეერთებული შტატები ავიამზიდთა ჯგუფის გაგზავნით ახლო აღმოსავლეთს აქეზებს.

მან იმედი გამოთქვა, რომ საღი აზრი გაიმარჯვებს.

პუტინმა, მოსკოვში გამართულ ენერგეტიკულ კონფერენციაზე გამოსვლისას აღნიშნა, რომ ეს პრობლემის გადაჭრის გზა არ არის.

“მე არ მესმის, რატომ გადააქვს აშშ-ს ავიამზიდების ჯგუფები ხმელთაშუა ზღვაში. მე ნამდვილად არ მესმის ეს აზრი. აპირებენ ისინი ლიბანის დაბომბვას თუ რა?

ანუ ვინმეს შეშინება გადაწყვიტეს? არიან ადამიანები, რომლებსაც არაფრის აღარ ეშინიათ, ეს არ არის პრობლემის გადაჭრის გზა, კომპრომისული გადაწყვეტილებები უნდა ვეძებოთ. რა თქმა უნდა, ასეთი ქმედებები აქეზებს სიტუაციას”, – დასძინა პუტინმა.