ამერიკული დაზვერვის ინფორმაციით, ღაზაში საავადმყოფოს დაბომბვის შედეგად 100-დან 300 ადამიანამდე დაიღუპა

144
spot_img

ამერიკული დაზვერვის ინფორმაციით, ღაზაში საავადმყოფოს დაბომბვის შედეგად 100-300 ადამიანი დაიღუპა. ამის შესახებ სადაზვერვო სააგენტოების მომზადებულ წინასწარ დასკვნაზე დაყრდნობით CNN-ი იტყობინება.

მათივე ინფორმაციით, საავდამყოფოს შენობას მცირე ზიანი აქვს მიყენებული და დაბომბვის უკან ისრაელი არ მდგარა.

აღსანიშნავია, რომ „ჰამასი“ საავადმყოფოს დაბომბვის შედეგად 471 გარდაცვლილის შესახებ იტყობინებოდა.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.