“ამას სჩადიან მხოლოდ ალქაჯები”- თამარ ჩიბურდანიძე ოპოზიციონერ ქალებზე

268
spot_img

„ხალხის ძალის“ წევრმა თამარ ჩიბურდანიძემ პარლამენტში დღეს განვითარებული მოვლენები სოციალურ ქსელში შეაფასა და ქალ დეპუტატებს საქციელი დაუწუნა. „რაც დღეს იკადრეს პარლამენტის ოპოზიციონერმა ქალებმა, სჩადიან მხოლოდ ალქაჯები. საჯარო გინება ქალებისგან ქალის მიმართ ალბათ მხოლოდ მათსავით „დემოკრატიულ” ქვეყნებში ხდება. ქალის კალთას ამოფარებული კაცებიც ალბათ უცხოური წესია, – წერს ჩიბურდანიძე.

ანალიტიკოსი აცხადებს, რომ საეჭვოა ამ ადამიანებმა შეძლონ შვილების აღზრდა და ქალების უფლებების დაიცვა. „ვაი იმ მშობელს, ვის შვილებთანაც ამათ აქვთ ურთიერთობა. ესენი არიან ქალთა უფლებებისთვის მებრძოლი ქალები? ესენი არიან დედები, რომლებმაც შვილებს ზრდილობა უნდა ასწავლონ? ნეტავ თუ არ რცხვენიათ ამათ მეუღლეებს?

აუჭედეთ აუდიტორიის კარები ამ ქალებს, რომ ახალგაზრდები არ მოწამლონ! სირცხვილია ესენი ქალების სტატუსით სარგებლობდნენ და პოლიტიკოსები ერქვათ. ღრმად ვარ დარწმუნებული, რომ ამ სამარცხვინო, ზღვარგადასულ ქმედებას მალე მოეღება ბოლო ქართველი ხალხისგან,” – წერს თამარ ჩიბურდანიძე.