“ამა თუ იმ საკითხზე დისკუსია უნდა გვქონდეს ცივილური და არა ძალადობრივი ფორმებით, რაც მიუღებელია” – რატი იონათამიშვილი

68
spot_img

ნებისმიერ მსგავს შემთხვევაში უმთავრესი ამოცანაა, დაცული იყოს თითოეული მოქალაქის უსაფრთხოება და ჯანმრთელობა. ამ მხრივ სამართალდამცველებმა მაღალი პროფესიული მომზადება აჩვენეს, რადგან არცერთი ადამიანის ჯანმრთელობას საფრთხე არ შექმნია, რაც უმნიშვნელოვანესია, – ამის შესახებ საპარლამენტო უმრავლესობის წევრმა, რატი იონათამიშვილმა „პრაიდის“ ფესტივალთან დაკავშირებით განაცხადა.

მისივე თქმით, ნებისმიერი სახის ძალადობა მიუღებელია.

„ცხადია, თითოეული ჩვენგანი უნდა გაემიჯნოს ნებისმიერი სახის ძალადობას და დავგმოთ. ძალადობით არცერთი პრობლემის განეიტრალება არ შეიძლება, რადგან პრობლემა მეტად მწვავდება. პატივი უნდა ვცეთ ერთმანეთის არჩევანსა და ბედნიერებისკენ სწრაფვას. ამა თუ იმ საკითხზე დისკუსია უნდა გვქონდეს ცივილური და არა ძალადობრივი ფორმებით, რაც ცალსახად მიუღებელია, მით უმეტეს, მოროდიორობის ელემენტები კიდევ უფრო მძიმე სანახავი იყო“, – აღნიშნა რატი იონათამიშვილმა.