“ამ მძიმე დღეებში ჩვენი სოლიდარობა ერთიანი უნდა იყოს” – გურამ მაჭარაშვილი

55
spot_img

პირველ რიგში, გარდაცვლილთა ოჯახის წევრებს ვუსამძიმრებ, დღეს გლოვის დღეა და ყველა ჭირისუფალი უნდა ვიყოთ, ამ უმძიმესი ტრაგედიის შედეგად ადამიანები გარდაიცვალნენ. პირველივე წუთებიდან ჩართულია როგორც სამაშველო სამსახური, ისე ბევრი სამინისტრო, პირველი პირების ჩართვით, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.

მისი თქმით, 24-საათიან რეჟიმში მიმდინარეობს იმ ადამიანების ძებნა, ვისაც ვერ დაუკავშირდნენ და კონტაქტი არ არსებობდა.

„ამ მძიმე დღეებში ჩვენი სოლიდარობა ერთიანი უნდა იყოს, თუმცა, სამწუხაროდ, ამ ფონზეც დეზინფორმაციასთან ბრძოლა გვიწევს. სოციალურ ქსელებში, მათ შორის, კახა კალაძესთან, ირაკლი კობახიძესთან, პრემიერთან დაკავშირებით გავრცელებულ დეზინფორმაციის წინააღმდეგ სიტყვები ძნელად მოსაძებნია. ფაქტები ყველაფერზე მეტყველებს, ადგილზე არიან ოჯახის წევრები და ხედავენ, რას აკეთებენ სახელმწიფო სტრუქტურები და ადამიანები, ვინც ამ პროცესში უშუალოდ ჩართული არიან. ჩვენთვის, ჭირისუფლებისთვის, ვინც თავს ჭირისუფლად თვლის, გაცილებით რთული და ცეცხლზე ნავთის დასხმაა დეზინფორმაცია, რომელიც მომხდარ ტრაგედიასთან დაკავშირებით ვრცელდება. დადგება დრო, როცა კითხვებზე პასუხები იქნება“, – განაცხადა მაჭარაშვილმა.