აღმოსავლეთ კანადაში, მასშტაბური ხანძრების გამო, ათასობით მოქალაქის ევაკუაცია გახდა საჭირო. ტყის ხანძრებმა 24 000 ჰექტარზე მეტი ტერიტორია მოიცვა. ლაბრადორ სითიში საცხოვრებელი სახლების დატოვება მოუწია ათასობით მოქალაქეს, ასევე დაიხურა ადგილობრივი საავადმყოფოები.
გასულ კვირას ითვლებოდა, რომ ხანძარი კონტროლირებადი იყო, თუმცა ბოლო დღეების განმავლობაში, ხანძრის გაძლიერებას ხელი ამინდის გაუარესებამ შეუწყო.
