ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელისთვის ცეცხლის შეწყვეტის შესახებ მოწოდება, „ჰამასისთვის“ დანებების მოწოდების ტოლფასია.
„ისრაელი არ დათანხმდება საომარი მოქმედებების შეწყვეტას 7 ოქტომბრის საშინელი თავდასხმების შემდეგ. მოწოდება ცეცხლის შეწყვეტის შესახებ არის მოწოდება ისრაელისთვის, რომ „ჰამასს“ დანებდეს, დანებდეს ტერორიზმს, დანებდეს ბარბაროსობას. ეს არ მოხდება“, – აღნიშნა ნეთანიაჰუმ.
ისრაელის მთავრობის მეთაურის თქმით, მეორე მსოფლიო ომის დროს პერლ-ჰარბორის თავდასხმის შემდეგ, შეერთებულ შტატებს ცეცხლის შეწყვეტაზე დათანხმებას არავინ მოუწოდებდა.
შეგახსენებთ, რომ 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა განხორციელდა. თავდასხმაზე პასუხისმგებლობა ტერორისტულმა დაჯგუფება „ჰამასმა“ აიღო. თავის მხრივ, სარაკეტო იერიშის საპასუხოდ, ისრაელის თავდაცვის სამინისტრომ ქვეყანაში საომარი მდგომარეობა გამოაცხადა.
