ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“პრეზიდენტმა ბაიდენმა ფინეთში დაასრულა თავისი ტურნე. იქაც პრესკონფერენციის დროს კიდევ ერთხელ გაუსვა ხაზი, რომ უკრაინის ნატოში გაწევრიანება გარდაუვალია და მხოლოდ დროის ამბავია. “ვერავინ მიიღებს ალიანსში ომის მდგომარეობაში მყოფ ქვეყანას, მაგრამ საკითხი არ დგას მივიღებთ თუ არა, არამედ როდის მივიღებთ უკრაინას ნატოში”! რაც შეეხება ომის ხანგრძლივობა, ის დარწმუნებულია რომ ომი დიდხანს არ გაგრძელდება, ვინაიდან პუტინი ვეღარ ქაჩავს ვერც ფინანსურად და ეკონომიკურად და ვეღარც კონტროლი აქვს სრული ქვეყნის შიგნით. “პუტინმა უკვე წააგო ომი. მან აღარ იცის რა ქნას, იმიტომ რომ ვერავითარ შედეგს ვერ აღწევს”. მან ასევე გააკეთა ტკბილ მწარე კომენტარი პრიგოჟინის მისამართით. “მე მის ადგილას დიდ ყურადღებას მივიქცევდი მენიუს და ფრთხილად ვიქნებოდი ჭამისას”.
პრიგოჟინის ვაგნერმა პრაქტიკულად მთელი თავისი შეიარაღება გადასცა თავდაცვას; გუშინ უკან ბრუნდებოდნენ მინსკიდან მოსკოვში ვაგნერელები. პრიგოჟინმა სერიოზული პანდორას ყუთი გახსნა ურდოსიაში. ალაპარაკებულ გადაყენებულ გენერალ პოპოვზე შაყირი გავრცელდა, ლუკაშენკო ელაპარაკა ტელეფონით და გენერალი პოპოვი თავის 58-ე არმიით გადის ბელარუსშიო.
შაყირი იქით იყოს, ბელარუსის რა გითხრათ და სუროვიკინიც სადაც ჰყავთ და კიდევ 13 მაღალი რანგის აფიცრობა, ის შეიძლება მიუსვან ეს პოპოვიც. კიდევ ერთი 15 აფიცერი დაფერთხილია ურდოს ხელმძღვანელი თანამდებობებიდან. იცოდაო სუროვიკინმა აჯანყების შესახებ, არ შეუერთდა, მაგრამ არც გათქვაო. ჰოდა ჩვენთვის ეს ყველაფერი გადასარევია – რაც მეტ გენერალს ჩააყუდებენ თვითონ და რაც მეც დავუბაბანებთ ჩვენ, მით მალე აყროლდება ურდოს ჯარში ამბები. ვაგნერიც რომ აღარ არის ბრძოლის ველზე, ესეც კარგი ამბავია;
მაქსიმალურად ისვრიან რეზერვებს ახლა ბახმუტის და ზაპოროჟეს მიმართულებით. ჩვენები მაინც მიიწევენ წინ. დადასტურებულად ბახმუტის სამხრეთით კლეშჩეევკას შესასვლელებს აკონტროლებენ ჩვენები, აგრეთვე მის ირგვლივ არსებული სანგრების ქსელს და სტრატეგიულ სიმაღლეებს;
ბახმუტის ჩრდილოეთ ფლანგზეც გვაქვს წინსვლა;
ცხელი ბრძოლები მიდის ზაპოროჟიეს მონაკვეთზე.
ჩვენები ყოველ დღე უფეთქებენ მტერს ტოკმაკში და ბერდიანსკში ცოცხალი ძალის სადგომებს და შეიარაღების საწყობებს; გუშინ ღამე ჩვენებმა 17-დან 16 შაჰედი ჩამოაგდეს. მაგიორში, კაი ხმაურიანი აფეთქებები იყო კურსკში და ვორონეჟში.
გენერალმა ტარნავსკიმ დაადასტურა, რომ ჩვენებმა მიიღეს კასეტური ბომბები, რაც საერთოდ შეცვლის ჩვენს სასარგებლოდ დინამიკას; პენტაგონიც ადასტურებს იმავეს;
ჯაგლაგა ლავროვის სიფათიც ადასტურებს იმავეს – ჯაკარტაში ლაოსის საგარეო საქმეთა მინისტრს შევხვდიო და იმან მერე განცხადება გამოაცხო კასეტურ ბომბებზე, არაა ეგ კაი ამბავიო. პუტლერი მოთქვამს, უკრაინის გაწევრიანება საფრთხე იქნება ჩვენთვის და არ გაზრდის თავად უკრაინის და გლობალურ უსაფრთხოებასო. ოღონდ ვერ ბედავს რომ თქვას, იმას ვიზამ ამას ვიზამო. რაც აღარ შეუძლია რა უნდა ქნას.
აშშ-ს თავდაცვის მდივანმა, ეჭვიც არ მეპარება, რომ უკრაინა ომის დასრულებისთანავე გახდება ნატოს წევრიო.
უკრაინა გაიმარჯვებს 2023-ში! პუტლერის ბოროტების იმპერია ჩამოინგრევა 2023-ში!
დიდება უკრაინას! გაუმარჯოს საქართველოს!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
