7 ოქტომბრის შემდეგ სულ მცირე 92 ჟურნალისტი დაიღუპა

43
spot_img

ღაზის სექტორში 7 ოქტომბრის შემდეგ სულ მცირე 92 ჟურნალისტი დაიღუპა, – ინფორმაციას მედია საშუალებები ღაზას მთავრობის პრესსამსახურზე დაყრდნობით ავრცელებს.

უწყებაში არ საუბრობენ ჟურნალისტების გარდაცვალების გარემოებებთან დაკავშირებით და აცხადებენ, რომ ბოლოს მოკლული ჟურნალისტები რამი ბადირი და ასემ ქამალ მუსა არიან, რომლებიც ისრაელის თავდასხმებს ემსხვერპლნენ.

მედია ოფისმა ღაზის სექტორის ომში დაღუპული ჟურნალისტების რიცხვი 92-მდე დაასახელა.

შეგახსენებთ, პალესტინის ხელისუფლებაში აცხადებენ, რომ ღაზაში, 7 ოქტომბრის შემდეგ, დაახლოებით 18 800 პალესტინელი დაიღუპა და მათი 70% ქალები და ბავშვები იყვნენ.