6 ნოემბერს მოხდა უმძიმესი ფაქტი, ეს იყო მკვლელობა, რომელიც ჩაიდინა საოკუპაციო ძალამ -ირაკლი ჩიქოვანი

103
spot_img

6 ნოემბერს მოხდა უმძიმესი ფაქტი, ეს იყო მკვლელობა, რომელიც ჩაიდინა საოკუპაციო ძალამ და რომელიც არის სამწუხარო, მძიმე გამოვლინება იმ ოკუპაციისა, რომელსაც ყოველდღიურად უნდა გავუსწოროთ თვალი თითოეულმა ჩვენგანმა და იმ მოსახლეობამ, რომელიც ცხოვრობს საოკუპაციო ხაზთან ახლოს, ან საოკუპაციო ხაზის მიღმა, – ამის შესახებ ფრაქცია „ქართული ოცნების“ თავმჯდომარის მოადგილემ ირაკლი ჩიქოვანმა პარლამენტის პლენარულ სხდომაზე განაცხადა.

მისივე განცხადებით, აღნიშნულთან მიმართებაში მყისიერი რეაქცია ჰქონდა საქართველოს პრემიერ-მინისტრსა და ყველა სახელისუფლებო ორგანოს, რომლის პასუხისმგებლობასაც წარმოადგენდა ეს საკითხი. ირაკლი ჩიქოვანის თქმით, ხელისუფლებამ ყველა საერთაშორისო პარტნიორი ჩართო და გამოიყენა ყველა მექანიზმი, შედეგად კი უკანონოდ დაკავებული ლევან დოთიაშვილი გაათავისუფლეს.

„სამწუხარო რეალობაა ის, რომ ეს არ არის პირველი ფაქტი ჩვენი მოქალაქეების მკვლელობის: 2018 წელს არჩილ ტატუნაშვილი, 2016 წელს გიგა ოთხოზორია, 2011 წელს ოკუპანტებმა ცეცხლი გაუხსნეს გიორგი ლომსაძესა და შოთა შუბითიძეს. 2011 წელს მოკლეს ნიკა ჯოჯუა. 2010 წელსაც არ დაგვავიწყდეს, რომ აწამეს და მოკლეს გოგიტა ანჯაფარიძე. დღეს ჩვენ შეიძლება გაგვიჭირდეს კანონის მთელი სიმკაცრით დაისაჯონ ის ადამიანები, რომლებმაც ჩაიდინეს ეს საზარელი მკვლელობები, მაგრამ ჩვენ ყველაფერი უნდა გავაკეთოთ, რომ გვქონდეს შესაბამისი სამართლებრივი საფუძვლები და ეს ადრე თუ გვიან, აუცილებლად მოხდება და ამას გააკეთებს ჩვენი ხელისუფლება“, – განაცხადა ირაკლი ჩიქოვანმა.