რას გვირჩევენ ვარსკვლავები 29 ივლისისთვის ჯანმრთელობის, ბიზნესის და სიყვარულის მიმართულებით?
ვერძი
მთელ დღეს სიზარმაცის შემოტევებს ებრძვით. თუ ამ ბრძოლაში გაიმარჯვეთ, ბევრი მნიშვნელოვანი საქმის წარმატებით დასრულებას შეძლებთ. თუ იაქტიურებთ, საინტერესო და სასიამოვნო ადამიანებს გაიცნობთ. ახალი ნაცნობობის ნუ შეგეშინდებათ და წვეულებაზე მიწვევას აუცილებლად დათანხმდით.
კურო
რთული და დაძაბული დღეა. ვარსკვლავები გირჩევენ, რომ ახალი საქმის დაწყებამდე ძველი დაასრულოთ და საყვარელი ადამიანისთვის მიცემული პირობის შესრულებაზე იზრუნოთ. ამ დღეს მომავალი თვის ტენდენციები ყალიბდება, ამიტომ გირჩევთ, მხოლოდ თქვენთვის მნიშვნელოვან და სარგებლის მომტან საკითხებზე გაამახვილოთ ყურადღება.
ტყუპები
ტყუპებისთვის ბოლო დღეები განსაკუთრებით რთული და დაძაბული იყო. დროა, ცოტა განიტვირთოთ და საკუთარ საჭიროებებზე იფიქროთ. ეცადეთ, საყვარელ ადამიანებთან ერთად მეტი დრო გაატაროთ – მათ თქვენი მხარდაჭერა და ყურადღება სჭირდებათ. ამ დღეს ნებისმიერი წვრილმანი მნიშვნელოვანია, ამიტომ „ასი თვალი და ყური უნდა გამოიბათ“ და თქვენს სიახლოვეს მომხდარი ამბავი არ უნდა გამოგეპაროთ.
კირჩხიბი
საოჯახო საქმეები სტრესის მოხსნაში დაგეხმარებათ და სულიერ სიმშვიდეს მოგიტანთ. გირჩევთ, გათავისუფლდეთ უსარგებლო ნივთებისგან, რომლებიც მხოლოდ ადგილს იკავებენ. ხელსაყრელი დროა მეგობრების შეკრებისა და მხიარული წვეულების მოწყობისთვის. ეცადეთ დასვენებისთვის დრო გამონახოთ – წინ მნიშვნელოვანი ცვლილებები გელით.
ლომი
მოერიდეთ კამათს და დაპირისპირებას – ოპონენტების დარწმუნებას მაინც ვერ შეძლებთ და დროს, ნერვებს და ენერგიას ფუჭად დახარჯავთ. ამის ნაცვლად, შეგიძლიათ, საყიდლებზე წახვიდეთ და საკუთარი თავი ლამაზი ნივთებით გაანებივროთ, რაზედაც დიდი ხანია ოცნებობთ. ამ დღეს შეძენილი ნივთები იმედს გაგიმართლებთ და დიდ ხნის განმავლობაში გასიამოვნებთ.
ქალწული
დაძაბული კვირის შემდეგ გადაწყვიტეთ, რომ ერთი დღე საყვარელი ადამიანების გარემოცვაში დაისვენოთ. მათთან ურთიერთობა კარგი განწყობით და ოპტიმიზმით აგავსებთ. გირჩევთ, დღის მეორე ნახევარში სახლისა და სამუშაო გრაფიკის მოწესრიგებაზე იზრუნოთ. ეს მომავალი კვირის დაგეგმვაში დაგეხმარებათ.
სასწორი
ეს დღე პასიურად, გარედან დამკვირვებლის პოზიციაში უნდა გაატარო და ძალები აღიდგინოთ. ნუ დაივიწყებთ ადამიანს, რომელმაც რთულ დროს დახმარების ხელი გამოგიწოდათ. დაურეკეთ და მოიკითხეთ, შესაძლოა, ამჟამად დახმარება მას სჭირდება. დღეისთვის დაგეგმილი საქმეები სასურველ შედეგს არ მოგიტანთ, ამიტომ ჯობს, მომდევნო კვირაში გადაიტანოთ.
მორიელი
დროა, დიდი ხნის უნახავ მეგობრებთან შეხვედრა დაგეგმოთ. ვარსკვლავები გირჩევენ, რომ სერიოზული პროექტის დაწყებაზე უარი თქვათ, რადგან მისი დასრულებისთვის ძალა და მონდომება არ გეყოფათ. გამორიცხული არ არის, რომ ზოგი ადამიანისა ან სიტუაციის მიმართ თქვენი დამოკიდებულება რადიკალურად შეიცვალოს.
მშვილდოსანი
საყვარელი ადამიანები თქვენგან საოჯახო საქმეებში მონაწილეობას და დახმარებას ელიან. სამსახურში მოსალოდნელია მცირე კამათი. ეცადეთ კომპრომისული გადაწყვეტილება იპოვოთ, რომ კოლეგასთან ურთიერთობა არ გაიფუჭოთ.
თხის რქა
ამ დღეს ნებისმიერი უთანხმოების მოგვარება შეგიძლიათ! თუნდაც კონფლიქტის შუაგულში იყოთ, ნათელი გონებით და მძლავრი არგუმენტებით მოწინააღმდეგის დაყოლიებას შეძლებთ. გასაკვირი არ არის, რომ ახლობლები საკამათო საკითხების მოსაგვარებლად თქვენ მოგმართავენ. გირჩევთ, დიპლომატიური ნიჭი მოლაპარაკების დასაწყებად გამოიყენოთ, საჭირო ადამიანების მხარდაჭერა მოიპოვოთ და საყვარელ ადამიანს გული გადაუშალოთ.
მერწყული
სავარაუდოდ, საქმეს, რომელიც არ გაინტერესებთ, თაროზე განუსაზღვრელი დროით შემოდებთ და საინტერესო საქმეებით დაკავდებით. სწორი გადაწყვეტილებაა – უინტერესო საქმის კეთების დროს უამრავ შეცდომას დაუშვებთ და შეიძლება ფინანსურადაც დაზარალდეთ. ოჯახის წევრებთან კამათი და დაპირისპირება გელით. მალე შერიგდებით, მაგრამ ეს უსიამოვნო ეპიზოდი დიდხანს გემახსოვრებათ.
თევზები
ცხოვრებაში ცვლილებების მოსაზიდად, ბინაში დიდი დასუფთავება უნდა მოაწყოთ და ყველა ნივთი თავის ადგილზე მოათავსოთ. მარტოობაში გატარებული დღე ბევრი საკითხის გააზრებასა და დამღლელი ურთიერთობისგან მცირე ხნით დასვენებაში დაგეხმარებათ.
