28 თებერვლის ასტროლოგიური პროგნოზი

810
spot_img

ვერძი

რთული დღეა, მაგრამ თუ ძვირფას დროს უქმად არ დაკარგავთ და ყურადღებას მნიშვნელოვან საკითხებზე გაამახვილებთ, ჩანაფიქრის განხორციელება არ გაგიჭირდებათ. სავარაუდოდ, სხვების დაშვებული შეცდომების გამოსწორება დიდ დროს და ენერგიას წაგართმევთ. უსმინეთ საკუთარ სხეულს, დაისვენეთ და ეცადეთ, ყურადღება სასიამოვნო საკითხებზე გადაიტანოთ.

კურო

ამ დღეს მთავარია, ინფორმაცია გადაამოწმოთ და გადაწყვეტილება აუჩქარებლად მიიღოთ. სანამ შეთავაზებას დათანხმდებით, კარგად დაფიქრდით და მოსალოდნელი შედეგები შეაფასეთ. თუ საქმეს დამოუკიდებლად ვერ უმკლავდებით, დახმარება ოჯახის წევრებს ან მეგობრებს უნდა სთხოვოთ. საყვარელ ადამიანთან ურთიერთობაში უხეშობას უნდა მოერიდოთ. გახსოვდეთ, რომ ადამიანს უსამართლოდ მიყენებული ტკივილი არასოდეს ავიწყდება.

ტყუპები

ემოციურად რთული და დაძაბული დღეა. მუდმივად ცვლადი გარემოებების გამო გეგმების შეცვლა და მნიშვნელოვანი შეხვედრების გადადება ან გაუქმება მოგიწევთ. სამუშაოში ჩაფლობა და დამატებითი პასუხისმგებლობები სტრესისა და მძიმე ფიქრებისგან გაგათავისუფლებთ. შეეცადეთ, არ ინერვიულოთ და მომხდარი მშვიდად მიიღოთ. სავარაუდოდ, ამ დღეს წარსულში დაშვებული შეცდომების გამოსწორება მოგიწევთ.

კირჩხიბი

მოემზადეთ ცხოვრებისეული ცვლილებებისთვის. შესაძლოა, ყველა არ მოგეწონოთ, მაგრამ ვარსკვლავები გირჩევენ, რომ მათ, როგორც ახალ შესაძლებლობებს, ისე შეხედოთ. სავარაუდოდ, უახლოეს დღეებში მომავალ ბიზნესპარტნიორს გაიცნობთ. ვარსკვლავები გირჩევენ, პროვოკაციებს არ აჰყვეთ, რათა თქვენთვის ძვირფას ადამიანთან ურთიერთობა არ გაიფუჭოთ.

ლომი

თუ ოჯახის წევრების რჩევებს და კოლეგების საუბრებს ყურადღებით მოუსმენთ, შეიძლება თქვენთვის სასარგებლო აზრი ან საინტერესო იდეა გაიგოთ, რომელსაც მალე წარმატებით გამოიყენებთ. ამ დღეს უპირატესობა ფინანსურად მოგებიან საქმეს უნდა მიანიჭოთ და რუტინული საქმიანობა სხვა დროისთვის გადადოთ. შესაძლოა, წარსულიდან ვიღაცამ ან რაღაცამ თავი შეგახსენოთ.

ქალწული

უარს ნუ იტყვით ახლობელი ადამიანების დახმარებაზე. გარდა იმისა, რომ სიკეთე ორმაგად დაგიბრუნდებათ, თვითშეფასებასაც აიმაღლებთ. ვარსკვლავები გირჩევენ, რომ სიტუაციის დრამატიზებას მოერიდოთ და მარტივი, პრაქტიკული გადაწყვეტილებები ეძიოთ. ორიგინალური აზროვნება და არასტანდარტული ხედვა დაგეხმარებათ, სასურველს უფრო სწრაფად მიაღწიოთ.

სასწორი

ამ დღეს ნებისმიერი, თუნდაც უმნიშვნელო ინფორმაცია გულდასმით და ყურადღებით უნდა შეამოწმოთ, რადგან შესაძლოა, ვიღაცამ თქვენი მოტყუება ან თქვენთვის მნიშვნელოვანი ინფორმაციის დამალვა სცადოს. ვარსკვლავები გირჩევენ, რომ სიფრთხილით მოეკიდოთ ნებისმიერ მიწვევას. საყვარელ ადამიანებთან ერთად გატარებული საღამო კი სიმშვიდეს დაგიბრუნებთ.

მორიელი

კარგი იქნება, თუ საკუთარ მოვალეობებს კოლეგებს ან თანაშემწეებს გაუნაწილებთ და კარგად დაისვენებთ. დაძაბული კვირის შემდეგ ყველაზე მეტად ძალების აღდგენა გჭირდებათ. პირად ურთიერთობებში ჩხუბი ან დაძაბულობა არ დაუშვათ. ახლა ამან შეიძლება საყვარელ ადამიანთან დაპირისპირება გამოიწვიოს. იზრუნეთ იმუნიტეტის ამაღლებაზე და ინფექციურ დაავადებებს ერიდეთ.

მშვილდოსანი

ვიღაც თქვენ გარშემო ინტრიგებს ხლართავს, ამიტომ ურთიერთობებში უფრო ფრთხილი უნდა იყოთ და რასაც გეუბნებიან, ყველაფერს არ დაუჯეროთ. ეცადეთ, ემოციები აკონტროლოთ და დაუფიქრებელი სიტყვით არავინ გაანაწყენოთ. შეცვალეთ დამოკიდებულება იმის მიმართ, რაც თქვენ გარშემო ხდება – არ გაბრაზდეთ და არ მოიწყინოთ.

თხის რქა

მომატებული ემოციური ფონი ადამიანებს აგრესიისკენ უბიძგებს, ამიტომ ეცადეთ ამ დღეს ურთიერთობები შეზღუდოთ. თუ კითხვები გაგიჩნდათ, გირჩევთ, ყველაფერი ახლავე გაარკვიოთ და სამომავლოდ არ გადადოთ. სასურველია, რომ სამომავლო გეგმები ოჯახთან ერთად განიხილოთ, რათა მოგვიანებით თქვენმა გადაწყვეტილებებმა პროტესტი არ გამოიწვიოს.

მერწყული

კარგი დღეა დაწყებული საქმეების დასასრულებლად. ძველი მეგობრები ფინანსური საკითხების წარმატებით მოგვარებაში დაგეხმარებიან. თქვენ გარშემო მოჩვენებითი სიმშვიდე ნუ მოგატყუებთ. არ მოდუნდეთ და არჩეულ გზას არ გადაუხვიოთ.

თევზები

ამ დღეს მეტი უნდა იაქტიუროთ და ხელიდან არ გაუშვათ შანსი, რომელსაც ბედი გიგზავნით. დაეხმარეთ ყველას, ვინც დახმარებას გთხოვთ და სიკეთე ორმაგად დაგიბრუნდებათ. საყვარელ ადამიანებთან ურთიერთობა სულიერ სიმშვიდეს დაგიბრუნებთ. ამ დღეს შოპინგი წარმატებული იქნება და შეძენილი ნივთები დიდხანს გაგახარებთ.