26 დეკემბრის ასტროლოგიური პროგნოზი

1467
spot_img

ვერძი

თუ სამსახურში კონფლიქტი წარმოიშვა, ეცადეთ კეთილი სიტყვის დახმარებით მოაგვაროთ. ამ დღეებში თავი შეიკავეთ ახალი საქმის დაწყებისგან და ეცადეთ, მიმდინარე საქმეები ახალ წლამდე დაასრულოთ. მშვენიერი დღეა რომანტიკული ურთიერთობისთვის.

კურო

ამ დღეს კრიტიკას ყურადღება არ უნდა მიაქციოთ. ვიღაც ცდილობს, რომ ამ გზით წონასწორობა დაგირღვიოთ და განწყობა გაგიფუჭოთ და ნუ დაუშვებთ, რომ მიზანს მიაღწიოს. თავადაც აკონტროლეთ საკუთარი სიტყვები და ემოციები, რათა კარგი ადამიანი უნებურად არ შეურაცხყოთ. ხელსაყრელი დღეა მუშაობისთვის – შეიძლება ისეთი საქმეც კი გამოგივიდეთ, რომელსაც დიდი ხანია უშედეგოდ ებრძვით. ამჯერად ყველაფერი გამოგივათ.

ტყუპები

გარშემო მყოფებში მოჭარბებული ემოციურობა და გაღიზიანება იგრძნობა, ამიტომ ნებისმიერ კამათსა და დაპირისპირებას უნდა ერიდოთ. ეცადეთ, სამსახურში განსაკუთრებით მეგობრული იყოთ. დალიეთ ჩაი კოლეგებთან ერთად და რამე გემრიელით გაუმასპინძლდით. მარტოხელა ტყუპებისთვის გამორიცხული არ არის კოლეგასთან ფლირტი. მისი გაგრძელება მხოლოდ თქვენს სურვილზე იქნება დამოკიდებული.

კირჩხიბი

ამ დღეს დილა სტრესული იქნება და ამაში დამნაშავეა არა გარემოებები, არამედ თქვენი განწყობის ცვალებადობა. გამუდმებით გეჩვენებათ, რომ ვიღაც თქვენს დამცირებას ცდილობს. მოვლენების დრამატიზაცია საჭირო არ არის. დღის ბოლომდე ყველაფერი შეიცვლება. უფრო აქტიური გახდებით და დავალების დროულად შესრულებას შეძლებთ. როგორი მაცდურიც არ უნდა ჩანდეს, გირჩევთ ამ დღეს ნებისმიერ შემოთავაზებას უარით უპასუხოთ.

ლომი

შესაძლოა, დილის გეგმების შეცვლა მოგიწიოთ. ამ დღეს საყვარელ ადამიანთან კომუნიკაცია ცოტა დაძაბულია – ერთმანეთისთვის გამუდმებით რაღაცის დამალვა და თუნდაც უმნიშვნელო ტყუილი ნდობას ნელ-ნელა საძირკველს უთხრის. დღის მეორე ნახევარი შესაფერისი დროა განმარტოებით ფიქრის ან სახლის საახალწლოდ მორთვისთვის.

ქალწული

კონფლიქტებს სახლშიც და სამსახურშიც უნდა ერიდოთ. გირჩევთ, მიღებული წინადადებები ყურადღებით შეისწავლოთ და ფიქრისთვის დრო ითხოვოთ. თუ საჭიროა, რჩევა გამოცდილ ადამიანებს სთხოვეთ, რათა სწორი გადაწყვეტილება მიიღოთ. მარტოხელა ქალწულებისთვის ხელსაყრელი დღეა რომანტიკული პაემნისთვის, დაქორწინებულმა ქალწულებმა კი ჯობს, პარტნიორთან კამათისგან თავი შეიკავონ.

სასწორი

შეხვედრებითა და ურთიერთობებით სავსე, აქტიური დღეა. მთავარია ზედმეტი არ თქვათ, რათა მოწინააღმდეგე არ განაწყენოთ. საახალწლო საჩუქრების შესარჩევად მშვენიერი დღეა, ამიტომ შეგიძლიათ საღამოს მაღაზიებში გაისეირნოთ. ეცადეთ, უფრო კომუნიკაბელური იყოთ – ეს საჭირო ადამიანებთან ურთიერთობის დამყარებაში დაგეხმარებათ.

მორიელი

შოპინგისთვის არახელსაყრელი დღეა – შეძენილი ნივთებით მალე იმედგაცრუებული დარჩებით. დღეს გამორიცხული არ არის, რომ სხვისი პრობლემების მოგვარება მოგიწიოთ, მაგრამ არ უნდა ინერვიულოთ, ოდესმე ვინმე თქვენც დაგეხმარებათ. შესაძლოა, რაღაც დაუგეგმავმა მოვლენამ ცოტა ხნით ყურადღება გაგიფანტოთ, მაგრამ საქმის ბოლომდე მიყვანას მაინც შეძლებთ.

მშვილდოსანი

შესაძლოა, გეგმების შეცვლა მოგიწიოთ, მაგრამ არ ინერვიულოთ, ყველაფერი რაც ხდება, უკეთესობისკენაა. გირჩევთ, შემოსულ ინფორმაციას კრიტიკული თვალით შეხედოთ და რამდენჯერმე გადაამოწმოთ. გირჩევთ საყვარელ ადამიანებთან ურთიერთობას მეტი დრო დაუთმოთ.

თხის რქა

შესაძლოა, ზოგმა თხის რქამ გარშემო მყოფთა იმედები ვერ გაამართლოს, მაგრამ ნუ ინერვიულებთ, რადგან ყველაფერს სწორად აკეთებთ. მთავარია, საკუთარ გზას გაჰყვეთ და სხვის ცხოვრებაში არ ჩაერიოთ. ეცადეთ, საკუთარი გეგმები საიდუმლოდ შეინახოთ. ხელსაყრელი დღეა დამოუკიდებელი მუშაობისთვის. მთლიანობაში, ეს დღე ნაყოფიერად ჩაივლის, მით უმეტეს, თუ წვრილმან გაუგებრობებზე არ მოცდებით.

მერწყული

თუ თქვენთვის მტკივნეულ პრობლემებზე ვინმესთან ლაპარაკი გსურთ, ეცადეთ, ისეთი თანამოსაუბრე მოძებნოთ, რომელიც თქვენს საიდუმლოს არ გაამხელს. განწყობა სწრაფად გეცვლებათ, ამიტომ მნიშვნელოვანი საქმეების დაწყებისგან თავის შეკავება ჯობს. თუ სახლი საახალწლოდ არ მოგირთავთ, დღეს ამისთვის ხელსაყრელი დღეა.

თევზები

ამ დღეს თქვენს მომხიბვლელობას ვერავინ უძლებს. ეცადეთ ამით ისარგებლოთ და კოლეგებს დახმარება, მენეჯმენტს კი ბონუსი ან დასვენება სთხოვოთ. შესაძლოა საინტერესო შეთავაზება მიიღოთ, მაგრამ სანამ დათანხმდებით, საკუთარ თავს ფიქრის დრო უნდა მისცეთ. საღამო შესაფერისია ოჯახური შეკრებებისთვის.