25 დეკემბრის ასტროლოგიური პროგნოზი

2223
spot_img

ვერძი

ამ დღეს ბევრი შეხვედრა და ურთიერთობა გელით. ლამაზ სიტყვებს არ უნდა დაუჯეროთ. ნუ მისცემთ გარშემო მყოფებს თქვენით მანიპულირების საშუალებას, მაგრამ თუ დახმარება შეგიძლიათ, უნდა დაეხმაროთ.

კურო

საყვარელი ადამიანი ამ დღეს თქვენ მიმართ უფრო თბილი და მზრუნველია, ვიდრე ოდესმე და შესაძლოა, რომანტიკული საჩუქარიც მიიღოთ. კოლეგებთან ურთიერთობა და მათი რჩევები რთული საქმის წარმატებით დასრულებასა და დამატებითი შემოსავლის მიღებაში დაგეხმარებათ. კარგი დღეა პროდუქტების მომარაგებისთვის.

ტყუპები

მშვენიერი დღეა საკუთარ თავზე და სურვილებზე ფიქრისთვის – შეგიძლიათ, იყიდოთ ნივთი, რომელზეც დიდი ხანია ოცნებობთ. სამსახურში ნებისმიერი ინფორმაცია კარგად გადაამოწმეთ – ვიღაც თქვენს მოტყუებას ცდილობს და შეცდომაში არ შეგიყვანოთ.

კირჩხიბი

პლანეტების განლაგება და ოპტიმიზმი დაწყებული საქმის წარმატებით დასრულებაში გეხმარებათ. ამის მიუხედავად, დღის მეორე ნახევარში შეიძლება გარემოებები თქვენს წინააღმდეგ შემობრუნდეს. როგორც არ უნდა გაჩქარებდნენ, მშვიდად იმუშავეთ და ურთიერთობები შეზღუდეთ, რათა დაპირისპირება თავიდან აიცილოთ.

ლომი

შესანიშნავი დღეა მეგობრებთან და თანამოაზრეებთან შესახვედრად. შესაძლოა, უახლოესი მომავლისთვის საერთო გეგმებიც დასახოთ. ზოგიერთ ლომს სახლსა და ოჯახთან დაკავშირებით გარკვეული ცვლილებები ელის. ვარსკვლავები გირჩევენ, რომ სასურველი ნივთის შესაძენად სესხის აღებას მოერიდოთ და ფულის დაგროვება დაიწყოთ.

ქალწული

შეიძლება ერთ-ერთი მეგობრის საიდუმლო შეიტყოთ, რაც საგონებელში ჩაგაგდებთ და მუშაობის ხალისს დაგიკარგავთ, ამიტომ მნიშვნელოვანი საქმეები სამომავლოდ უნდა გადადოთ. ისედაც, რთული დღეების გამოვლის შემდეგ სრული უფლება გაქვთ, რომ დაისვენოთ ან მეგობრებთან ერთად გაერთოთ.

სასწორი

ეს დღე საშუალებას მოგცემთ, პროფესიულ მოვალეობებს სწრაფად გაუმკლავდეთ და თქვენთვის სასიამოვნო საქმეებისთვის საკმარისი დრო დაგრჩეთ. ყველა დაპირებას, რომელსაც დღეს მოისმენთ, არ უნდა დაუჯეროთ. გირჩევთ, უცნობ ადამიანებთან ურთიერთობა მინიმუმამდე შეამციროთ.

მორიელი

ცვლილებებისთვის მოემზადეთ. პირველ რიგში, ცვლილებები თქვენს მსოფლმხედველობას, შეხედულებებს და დამოკიდებულებებს შეეხება. რომანტიკული შეხვედრებისთვის მშვენიერი დღეა. თუ მარტოხელა ხართ, შესაძლოა ამ დღეს შეხვდეთ მას, ვისზეც დიდი ხანია ოცნებობთ. მთავარია, რომ სახლიდან გარეთ გახვიდეთ და ხალხში გაერიოთ.

მშვილდოსანი

ამ დღეს როგორც საქმიან, ისე პირად ცხოვრებაში აქტიური ურთიერთობები გელით. ენერგიით სავსე ხართ, ამიტომ შეგიძლიათ, ეს ენერგია სასარგებლო საქმეებისკენ მიმართოთ. მაგალითად, სახლი დაალაგოთ, პროდუქტები მოიმარაგოთ და საერთოდ, დღესასწაულისთვის მოემზადოთ.

თხის რქა

ხელსაყრელი და ნაყოფიერი დღეა. ეცადეთ, ახალ წლამდე ყველაფერი მოასწროთ. სავარაუდოდ, მეგობრებისგან საინტერესო შეთავაზებას მიიღებთ, რომელიც უყურადღებოდ არ უნდა დატოვოთ. იზრუნეთ საკუთარ და ოჯახის წევრთა ჯანმრთელობაზე – სასურველია, დღის განრიგში ფიზიკური ვარჯიში ან ფეხით სიარული შეიტანოთ.

მერწყული

დაუთმეთ ეს დღე ოჯახს და ახლობლებს. სავარაუდოდ, უფროს ნათესავებს თქვენთან ბევრი სალაპარაკო აქვთ და ყურადღება უნდა მიაქციოთ. მოსალოდნელია სამსახურებრივი ინტრიგა – სავარაუდოდ, თქვენი პერსონით თანამდებობით თქვენზე მაღლა მდგომი პირი დაინტერესდება.

თევზები

ამ დღეს საოჯახო საქმეები დიდ დროს მოითხოვს, თუმცა მათთან გამკლავებას ადვილად შეძლებთ. ვარსკვლავები გაფრთხილებენ, რომ შეიძლება ოჯახში ვითარება დაიძაბოს – მოემზადეთ იმისთვის, რომ საყვარელი ადამიანები ძველ წყენას გაიხსენებენ და საყვედურებით აგავსებენ. დამშვიდდით, მეორე დღეს ეს კამათი არავის ემახსოვრება.