![horoscope-1_0be15](https://geotimes.ge/wp-content/uploads/2023/12/horoscope-1_0be15-5.webp)
ვერძი
თუ ჩვეული ხერხი აღარ ჭრის, ახლებურად მოქმედება უნდა სცადოთ. მოგვიანებით მიხვდებით, რომ ეს ყველაზე სწორი ნაბიჯი იყო. ეცადეთ, მუშაობის დროს საყოფაცხოვრებო საქმეებზე ფიქრი თავიდან ამოიგდოთ – შეიძლება დაუშვათ შეცდომა, რომელიც ძვირად დაგიჯდებათ. შორეული ქვეყნიდან სასიხარულო სიახლეები გელით.
კურო
თქვენი უმიზეზო ნერვიულობით შეიძლება ვიღაცას ხასიათი გაუფუჭოთ. ეცადეთ, ჯავრი იმ ადამიანებზე არ იყაროთ, რომლებსაც თქვენს ცუდ განწყობასთან საერთო არაფერი აქვთ. შესაძლოა, რომელიღაც მნიშვნელოვან საკითხზე შეხედულება შეგეცვალოთ და ამის გამო შვება იგრძნოთ. ამ დღეს თქვენს ქმედებებს ინტუიცია განაპირობებს, თუმცა მხოლოდ ინტუიციის იმედად არ უნდა იყოთ – ეცადეთ, თავი დაიზღვიოთ და ინფორმაციები გადაამოწმოთ.
ტყუპები
სამსახურში სიფრთხილე და ყურადღება გმართებთ. მოსალოდნელია შეცდომები, რომლებიც შეიძლება თქვენს კარიერულ მდგომარეობაზე ცუდად აისახოს. შეიძლება ემოციების გავლენით შეიძინოთ ნივთები, რომლებიც არაფერში გჭირდებათ, თუმცა მოგვიანებით, თავადაც გაოცდებით ისინი იმდენად საჭირო და სასარგებლო აღმოჩნდება.
კირჩხიბი
ამ დღეს სამსახურში ცვლილებებს და მნიშვნელოვანი გადაწყვეტილებების მიღებას უნდა მოერიდოთ. მეგობრებთან ურთიერთობამ შეიძლება, სიხარულის გარდა, სარგებელიც მოგიტანოთ. გირჩევთ საკუთარ ჯანმრთელობას მეტი ყურადღება მიაქციოთ, ენერგია კი კამათის ნაცვლად, სიყვარულზე დახარჯოთ.
ლომი
ამ დღეს შეიძლება საინტერესო ადამიანს შეხვდეთ, მაგრამ ეცადეთ მისმა ხიბლმა თავბრუ არ დაგახვიოთ და სიფხიზლე არ დაგაკარგვინოთ – ის რაღაც საიდუმლოს მალავს. დაფიქრდით, გინდათ თუ არა ასეთ სარისკო ურთიერთობაში შესვლა. სამუშაო დღე საკმაოდ ნაყოფიერი იქნება. შესაძლოა, მენეჯმენტის ქებაც კი დაიმსახუროთ
ქალწული
ზოგჯერ ჩვენი ოცნებები რეალობას მოწყვეტილია და ასრულება არ უწერიათ. ასეთი ოცნებების დევნას, ჯობია, რაღაც უფრო რეალური მოიფიქროთ. შეგიძლიათ, თქვენი დიპლომატიური ნიჭი მოლაპარაკების დასაწყებად გამოიყენოთ და საჭირო ადამიანების მხარდაჭერა მოიპოვოთ. შესანიშნავი დღეა რომანტიკული შეხვედრისთვის.
სასწორი
საქმეს, რომელიც არ გაინტერესებთ, სავარაუდოდ, განუსაზღვრელი დროით თაროზე შემოდებთ. სწორი გადაწყვეტილებაა – უინტერესო საქმის კეთების დროს უამრავ შეცდომას დაუშვებთ და ფინანსურად დაზარალდებით. ამასთან დაკავშირებით ორი გამოსავალი არსებობს: ან დაინტერესდეთ იმით, რისი კეთებაც გიწევთ, ან აკეთოთ ის, რაც გაინტერესებთ და არ შეგეშინდეთ ექსპერიმენტების.
მორიელი
თუ ადრე ყველაფრის დამოუკიდებლად კეთებას ცდილობდით, ამ დღეს შეიძლება მოვალეობების სხვებისთვის განაწილება მოგინდეთ. მშვენიერი იდეაა. ჩართეთ თქვენს საქმიანობაში კოლეგები და ახლობლები და მიზანს აუცილებლად მიაღწევთ. ცდილობთ, ცხოვრებაში საკუთარი ადგილი იპოვოთ და ამ იმპულსს არ უნდა შეეწინააღმდეგოთ.
მშვილდოსანი
ამ დღეს როგორც სამსახურში, ისე პირად ცხოვრებაში წარმატება გელით. ნუ შეგეშინდეთ, რომ ინიციატივა საკუთარ ხელში აიღოთ და ის აკეთოთ, რაც გსურთ. შესაძლოა, ამ დღეს გარკვეული თანხა მიიღოთ, მაგრამ გირჩევთ, საყოფაცხოვრებო ტექნიკის შეძენას მოერიდოთ. წინააღმდეგ შემთხვევაში შეიძლება იმედგაცრუებული დარჩეთ. ეცადეთ, თქვენი გადაწყვეტილება კარგად გააზრებული იყოს, რადგან მისი შედეგები ძალიან დიდხანს გაგყვებათ.
თხის რქა
ამ დღეს სამუშაო უფრო მეტ ყურადღებას მოითხოვს, ვიდრე ოდესმე, ასე რომ, კოლეგებს უფლება არ მისცეთ, რომ საუბრით ყურადღება გაგიფანტონ. გახსოვდეთ, რომ უკმაყოფილების გამოხატვით და ბუზღუნით სიტუაციას უფრო გაამწვავებთ, პრობლემას კი ვერ გადაჭრით, ამიტომ თავი შიკავეთ და ბედს მიენდეთ.
მერწყული
თუ გაურკვევლობა გაწუხებთ, პარტნიორთან ან კოლეგებთან გულწრფელად უნდა ისაუბროთ, თუნდაც საუბარი არასასიამოვნო იყოს. შეიძლება, მეგობარმა სწრაფი ფულის შოვნა შემოგთავაზოთ – არ დათანხმდეთ და არც ფული ასესხოთ. წინააღმდეგ შემთხვევაში, თქვენს ფულს ვეღარ დაიბრუნებთ.
თევზები
ხელსაყრელი დღეა მეგობრებთან, ოჯახის წევრებთან და იმ ადამიანებთან ურთიერთობისთვის, ვისთანაც საერთო ინტერესები გაერთიანებთ. ამ დღეს დაწყებული მოგზაურობა წარმატებული იქნება და დაუვიწყარ ემოციებს გაჩუქებთ. პროფესიულ საქმიანობაში სიფრთხილე და ყურადღება უნდა გამოიჩინოთ, რათა გაუგებრობები თავიდან აიცილოთ.